დელიმიტაციისა და დემარკაციის პროცესი აზერბაიჯანის მიერ პროცესის გაჭიანურების ან კონკრეტული პასუხის არარსებობის გამო ადგილიდან არ დაძრულა. ამის შესახებ 17 ნოემბერს, ეროვნულ კრებაში მთავრობასთან კითხვა-პასუხის დროს, უპასუხა რა “სამოქალაქო ხელშეკრულების” ფრაქციის დეპუტატის სარგის ხანდანიანის შეკითხვას, თუ რა დაბრკოლებები არსებობს, რომ დელიმიტაციის და დემარკაციის პროცესი ჯერ არ დაწყებულა, განაცხადა პრემიერ-მინისტრმა ნიკოლ ფაშინიანმა.
„მაისში განვაცხადე, რომ მზად ვიყავი იმ მომენტში ხელი მოვაწერო მაგიდაზე არსებულ წინადადებას დელიმიტაციისა და დემარკაციის პროცესის დასაწყებად. მაისში, და ამის შემდეგ, რუსეთის ფედერაციამ სამჯერ გააკეთა წინადადება, ფაქტობრივად, სამივეჯერ დავთანხმდით, რომ ეს პროცესი წინ წავწიოთ. ჩემი მოსაზრებით, პროცესი არ დაწყებულა აზერბაიჯანის მხრივ პროცესის გაჭიანურების ან კონკრეტული პასუხის არარსებობის გამო. ძალზე მნიშვნელოვანია სასაზღვრო სიტუაციის მშვიდობიანი მოგვარება. ჩვენი წინა წინადადებები ძალაშია, მათ შორის დელიმიტაციისა და დემარკაციის პროცესის დაწყების შესახებ”, – განაცხადა მან.
