თურქეთის სააგენტო Anadolu-სთვის მიცემულ ინტერვიუში ირანის ელჩმა თურქეთში მუჰამედ ფერაზმენდმა რეგიონულ 3+3 ფორმატზე ისაუბრა.
თურქეთში ირანის ელჩმა განაცხადა, რომ ირანის პრეზიდენტი მხარს უჭერს 2020 წელს ერდოღანის მიერ შემოთავაზებული 6 ქვეყნის მონაწილეობით, „3+3“ თანამშრომლობის პლატფორმის ჩამოყალიბებას.
“ფორმატი ემთხვევა ირანის საგარეო პოლიტიკის კურსს, ანუ ეს არის რეგიონში დაძაბულობის განმუხტვისა და პრობლემების მოგვარებისა და ორ ქვეყანას შორის თანამშრომლობის გაფართოების საშუალება”, – განაცხადა მან.
ელჩის თქმით, ამ პლატფორმის შექმნას საქართველოს გარდა სხვა ქვეყნები დადებითად უყურებენ. „30 წლიანი დაძაბულობის აღმოფხვრა სამხრეთ კავკასიაში მხოლოდ სარგებელს მოუტანს რეგიონის ყველა ქვეყანას“, – განაცხადა მოჰამედ ფარაზმენმა.
