საქართველოს შინაგან საქმეთა მინისტრის ხელმძღვანელობით დელეგაციამ წიწერნაკაბერდის მემორიალი და პოლიციის შენაერთები მოინახულა
სამუშაო ვიზიტით სომხეთში მყოფი საქართველოს შინაგან საქმეთა მინისტრის ვახტანგ გომელაურის ხელმძღვანელობით დელეგაცია 3 თებერვალს, სრ პოლიციის უფროსთან ვაჰე ღაზარიანთან და პოლიციის კოლეგიის წევრებთან ერთად, სომეხთა გენოციდის მემორიალს ეწვია.
დამსწრეებმა ყვავილებით შეამკეს მემორიალი და პატივი მიაგეს სომეხთა გენოციდის მსხვერპლთა ხსოვნას.
საქართველოს შინაგან საქმეთა მინისტრის ვახტანგ გომელაურის ხელმძღვანელობით დელეგაცია სომხების გენოციდის მუზეუმ-ინსტიტუტსაც ეწვია. სტუმრები გაეცნენ მუზეუმის მუდმივ და დროებით გამოფენებს.
იმავე დღეს ვახტანგ გომელაურის ხელმძღვანელობით დელეგაცია ეწვია პოლიციის ჯარებს. მათ გააცნეს პოლიციის ჯარების სამხედრო ნაწილების შეიარაღება, სპეციალური საშუალებები, ჯავშანტექნიკა, სამომსახურო სატრანსპორტო საშუალებები და ა.შ.
პოლიციის ჯარების თანამშრომლებს საზოგადოებრივი წესრიგის შესანარჩუნებლად საჩვენებელი გამოსვლა ჰქონდათ.
სპეცდანიშნულების რაზმის თანამშრომლებმა წარმოადგინეს საბრძოლო ხელოვნების ხრიკების დემონსტრირება, ასევე ტერორისტული ჯგუფის გასანეიტრალებელი ოპერაციები.
პოლიციის ჯგუფის ორკესტრმა საჩვენებელი წარმოდგენა გამართა.
სომხეთის რესპუბლიკის პოლიციის უფროსის ვაჰე ღაზარიანის თანხლებით, საქართველოს შინაგან საქმეთა მინისტრის ვახტანგ გომელაურის ხელმძღვანელობით დელეგაციამ დაათვალიერა მარადისობის პარკი, სადაც დარგულია სამსახურებრივი მოვალეობის შესრულებისას დაღუპული პოლიციელების სახელობის ხეები.
