COVID-19-დან ერთი წლის განმავლობაში გულის დაავადების რისკი მნიშვნელოვნად იზრდება: კვლევა
COVID-19-დან ერთი წლის განმავლობაში პაციენტებს აქვთ გულ-სისხლძარღვთა დაავადებების გაზრდილი რისკი, მათ შორის ფატალური ინსულტი და ცერებრალური სისხლდენა. დასკვნები გამოაქვეყნეს ჟურნალ Nature Medicine-ში ვაშინგტონის სენტ-ლუისის უნივერსიტეტის მეცნიერებმა.
მეცნიერთა აზრით, სისხლის მიმოქცევის სისტემის პრობლემების რისკი იზრდება მათ შორისაც კი, ვინც მსუბუქად და ზომიერად იტანდა COVID-19-ს.
მკვლევარებმა დაათვალიერეს კოვიდ 19-ით დაავადებული 153 760 ადამიანის მონაცემები, ისევე როგორც ორი სკრინინგ- ჯგუფის, თითო ხუთ მილიონზე მეტი ადამიანისგან შემდგარი, რათა შეეფასებინათ გულ-სისხლძარღვთა დაავადების განვითარების რისკი კოროვირუსული ინფექციის შემდეგ.
დადგინდა, რომ COVID-19-ის პირველი 30 დღის შემდეგ, ინსულტის რისკი გაიზარდა 1,52-ჯერ, ხოლო გარდამავალი იშემიური შეტევების რისკი (მოკლევადიანი სისხლის მიმოქცევის დარღვევა თავის ტვინში) – 1,49-ჯერ. წინაგულების ფიბრილაციის რისკი გაიზარდა 1,71-ჯერ; სინუსური ტაქიკარდია და ბრადიკარდია: 1,74 და 1,53, შესაბამისად; პარკუჭოვანი არითმია – 1,84 და წინაგულების ფიბრილაცია – 1,8-ჯერ.
როგორც გაირკვა, COVID-19-მა ასევე გაზარდა გულის ანთებითი დაავადებების – პერიკარდიტისა და მიოკარდიტის განვითარების რისკი, რაც რისკს შესაბამისად 1,85 და 5,38-ჯერ ზრდის. გულის იშემიური დაავადება (გულის მწვავე დაავადება, მიოკარდიტი, გულის იშემიური დაავადება და სტენოკარდია) გაიზარდა 1,52-1,75-ჯერ. გულ-სისხლძარღვთა დაავადებებს შორის დაფიქსირდა აგრეთვე გულის უკმარისობა, არაიშემიური კარდიოპათია, გულის გაჩერება და კარდიოგენური შოკი, რომელთა საერთო რისკი 1,72-ჯერ გაიზარდა. თრომბოემბოლიური დარღვევების რისკი (გაჭედილი არტერიები და ვენები) გაიზარდა 2,39-ჯერ.
მეცნიერთა აზრით, ყველა ეს რისკი იზრდება ასაკის, რასის, სქესის და სხვა გულ-სისხლძარღვთა ფაქტორების მიუხედავად, მათ შორის სიმსუქნე, ჰიპერტენზია, დიაბეტი, თირკმელების ქრონიკული დაავადება და ჰიპერლიპიდემია. რისკი ასევე გაიზარდა იმ ადამიანებში, რომლებსაც არ ჰქონდათ გულ-სისხლძარღვთა დაავადება კოროვირუსით ინფიცირებამდე, ასევე მათ, ვინც არ იყო ჰოსპიტალიზირებული მწვავე კოროვირუსული ინფექციის გამო. უფრო მეტიც, რაც უფრო მძიმეა ინფექცია, მით მეტია პოსტკოვიდური გართულებების ალბათობა.
