ჩრდილოეთ-სამხრეთის ქაჯარან-აგარაკის 32 კმ-იანი გზის პროექტმა დადებითი დასკვნა მიიღო
შედგა ჩრდილოეთ-სამხრეთის საგზაო დერეფნის საინვესტიციო პროგრამის ქაჯარანი-აგარაკის გზის მონაკვეთის საპროექტო დოკუმენტაციის სახელმწიფო ყოვლისმომცველი საექსპერტო კომისიის სხდომა, რომელსაც თავმჯდომარეობდა სრ ურბანული განვითარების კომიტეტის თავმჯდომარე არმენ ღულარიანი.
განიხილეს ტრანში 4-ის ქაჯარანი-აგარაკის მონაკვეთის 32 კმ-იანი მონაკვეთის რეკონსტრუქციის პროექტი. სარეკონსტრუქციო სამუშაოების დაფინანსება ხდება სტაბილიზაციისა და განვითარების ევრაზიის ფონდის საკრედიტო, ასევე სრ სახელმწიფო ბიუჯეტის სახსრებით.
საპროექტო ორგანიზაციის წარმომადგენლებმა კომისიის წევრებს ვიდეორგოლებით წარუდგინეს გზის ტრასა და ტექნიკური პარამეტრები. ამის მიხედვით, რეკონსტრუირებული 32 კმ სიგრძის გზის მონაკვეთი იქნება მეორე ტექნიკური კატეგორიის 80 კმ/სთ გაანგარიშებული სიჩქარით. გზის მონაკვეთი მოიცავს 18 ხიდს და 3 გვირაბს, რომელთაგან ყველაზე გრძელი 7,5 კმ იქნება. ტრასა ზოგან არსებულ გზაზე გაივლის, ზოგან ახალი გზა აშენდება. მძიმეწონიან ავტომანქანებს ექნებათ საკუთარი ზოლი, რაც ტვირთის გადაზიდვას გაუადვილებს.
კომისიის წევრებმა პროექტზე საკუთარი მოსაზრებები წარმოადგინეს. კითხვებზე პასუხის გაცემისას საპროექტო ორგანიზაციის წარმომადგენლებმა აღნიშნეს, რომ სარეკონსტრუქციო გზაზე მეწყერსაშიში მონაკვეთები არ არის, ზოგან კი ქვების ჩამოცვენის საშიშროების გასანეიტრალებლად დამცავი ღონისძიებები გატარდება. განსაკუთრებული აქცენტი გაკეთდა მთელი გზის მონაკვეთის ყველა საინჟინრო ნაგებობის სეისმური სამშენებლო ნორმების მოთხოვნებთან შესაბამისობის საკითხებზე.
საბოლოოდ, კენჭისყრით, სახელმწიფო ყოვლისმომცველმა საექსპერტო კომისიამ ერთხმად დაამტკიცა ტრანში 4-ის ქაჯარანი-აგარაკის 32 კმ-იანი გზის მონაკვეთის რეკონსტრუქციის პროექტი, რის შედეგადაც შესაძლებელია აღნიშნული გზის მონაკვეთის მშენებლობაზე სატენდერო პროცესი დაწყების ორგანიზება.
კომისიის სხდომაზე ასევე მოწვეულნი იყვნენ სომხეთის რესპუბლიკის ტერიტორიული მართვის, ინფრასტრუქტურის მინისტრის მოადგილე ქრისტინე ღალეჩიანი და ,,საგზაო დეპარტამენტის“ ფონდის აღმასრულებელი დირექტორი გორ ავეტისიანი, რომლებმაც ახსნა-განმარტებებით დიდად დაუჭირეს მხარი კომისიის მუშაობას.
