უკვე მიმდინარეობს სომხეთის წარმოების უპილოტო მფრინავი აპარატების ტესტირება. ვაჰაგნ ხაჩატურიანი
სომხეთში უკვე მიმდინარეობს უპილოტო მფრინავი აპარატების პროდუქციის ტესტირება. ვფიქრობ, მალე რომელიმე კომპანია დაასრულებს ყველა წინასწარ გამოცდას და გაფორმდება საბოლოო კონტრაქტი თავდაცვის სამინისტროსთან. ამის შესახებ Sputnik სომხეთთან საუბარში განაცხადა მაღალი ტექნოლოგიების მრეწველობის მინისტრმა, სრ პრეზიდენტობის კანდიდატმა ვაჰაგნ ხაჩატურიანმა.
მისი თქმით, ტესტებს საფუძვლად საკმაოდ მაღალი სტანდარტები უდევს. სხვა სიტყვებით რომ ვთქვათ, ეს ტესტები ტარდება რეალურ სამხედრო, საომარ ვითარებასთან გათანაბრებულ პირობებში, რათა საჭიროების შემთხვევაში არ იყოს პირდაპირი ხარვეზები. მან აღნიშნა, რომ საუბარია „სადაზვერვო“ და „დამრტყმელ“ უპილოტო მფრინავ აპარატებზე.
მინისტრმა დასძინა, რომ სომხური წარმოების ყუმბარმტყორცნები უკვე ექსპლუატაციაშია, იგეგმება მათი ექსპორტიც.
ხაჩატურიანმა ასევე განაცხადა, რომ დღის წესრიგში აქვს კოსმოსურ საქმიანობასთან დაკავშირებული რამდენიმე მიმართულება, რომელთაგან ერთ-ერთი თანამგზავრების შეძენის ვარიანტების განხილვაა.
