სიტუაცია მსოფლიოში და რეგიონში დაძაბულია, და ჩვენ თავს პასუხისმგებლად ვთვლით ამ დაძაბულობის შემცირებასა და ფუნდამენტური გადაწყვეტილებების მოძიების საკითხში. ამის შესახებ დღეს, 24 მარტს, მთავრობის სხდომაზე განაცხადა პრემიერ-მინისტრმა ნიკოლ ფაშინიანმა.
მან ასევე დაამატა. „ამ თვალსაზრისით, დიახ, ვფიქრობთ, რომ სამშვიდობო მოლაპარაკებები სომხეთსა და აზერბაიჯანს შორის სასწრაფოდ უნდა დაიწყოს. ამასთან, უნდა აღინიშნოს საზღვრების დემარკაციისა და დელიმიტაციის დაჩქარების აუცილებლობა, საზღვრის უსაფრთხოებისა და სტაბილურობის გაზრდის ნაბიჯებთან ერთად. თქვენ იცით, რა თქმა უნდა, რომ ჩვენ შევთავაზეთ ჯარების სარკისებური გაყვანა საზღვრიდან, გაყვანის გზამკვლევად მხედველობაში მივიღეთ საბჭოთა ეპოქის სომხეთისა და აზერბაიჯანის დე იურე დადგენილი საზღვრის ხაზი“.
თუმცა, მან ხაზგასმით აღნიშნა, რომ სრული გაყვანის გარდა, სომხეთს აქვს წინადადებები ადგილობრივი გაყვანის შესახებ და აქ ისინი აზერბაიჯანის პასუხს ელოდებიან. „კერძოდ, ერასხის მონაკვეთზე შევთავაზეთ, რომ გაიყვანონ რამდენიმე პოზიცია ჩვენი ტერიტორიიდან, ჩვენ კი რამდენიმე პოზიცია გავიყვანოთ მათი ტერიტორიიდან, რათა ორივემ გადავჭრათ გასული წელიწადნახევრის ერთ-ერთი ყველაზე ცხელი წერტილის საკითხი. როგორც ვთქვი, ველოდებით აზერბაიჯანის პასუხს.
სხვათა შორის, ბოლო დროს განვითარებული რიგი მოვლენების შემდეგ ჩვენ ვერ გავიგეთ, სურს თუ არა აზერბაიჯანს რეგიონული კომუნიკაციების გახსნა. თუ მას სურს, ჩვენი წინადადებები ძალაში დარჩება, ჩვენ მზად ვართ განვახორციელოთ ისინი ნებისმიერ მომენტში, ამ სიტყვის სრული მნიშვნელობით. სომხური გზაჯვარედინის პროექტზე რამდენჯერმე ვთქვი, ახლა დეტალებში შესვლის აუცილებლობას ვერ ვხედავ“, – განაცხადა სრ პრემიერ-მინისტრმა.
