შეერთებული შტატები სერიოზულ შეშფოთებას გამოხატავს აზერბაიჯანის ჯარების მთიან ყარაბაღში გადაადგილების გამო და ამ და სხვა ესკალაციის ზომებს უპასუხისმგებლო და პროვოკაციულად მიიჩნევს. ამის შესახებ ბრიფინგზე განაცხადა სახელმწიფო დეპარტამენტის პრესსამსახურის უფროსის მოადგილემ ჯალინა პორტერმა.
„აშშ ღრმად არის შეშფოთებული აზერბაიჯანული ჯარების გადაადგილებით. ჯარის გადაადგილება და ესკალაციის სხვა საშუალებები უპასუხისმგებლო და არასაჭირო პროვოკაციას ქმნის“, – განაცხადა მან.
