28 მარტს სომხეთის საგარეო საქმეთა მინისტრმა არარატ მირზოიანმა მიიღო აშშ-ის ელჩი სომხეთში ლინ ტრეისი, იტყობინება სომხეთის საგარეო საქმეთა სამინისტრო.
შეხვედრაზე საუბარი შეეხო მთიანი ყარაბაღის სოფელ ფარუხში აზერბაიჯანის შეიარაღებული ძალების შეჭრის ვითარებას, ასევე არცახის მშვიდობიანი მოსახლეობის წინააღმდეგ მიმდინარე პროვოკაციებს და სასიცოცხლო ინფრასტრუქტურის ნორმალური ფუნქციონირების მიზანმიმართულ ჩაშლას.
აზერბაიჯანის აგრესიული ქმედებების შეფასებისას მინისტრმა მირზოიანმა ხაზი გაუსვა სიტუაციის დეესკალაციისთვის აქტიური ნაბიჯების გადადგმის აუცილებლობას, საკითხის გადაჭრისათვის საერთაშორისო თანამეგობრობის ჩართვას.
