ხუთშაბათს რუსეთის პრეზიდენტმა ვლადიმერ პუტინმა სატელეფონო საუბარი გამართა სომხეთის პრემიერ-მინისტრ ნიკოლ ფაშინიანსა და აზერბაიჯანის პრეზიდენტ ილჰამ ალიევთან. კრემლის პრესსამსახურის ცნობით, საუბრის თემა მთიან ყარაბაღში არსებული ვითარება იყო.
„განხილული იქნა მთიანი ყარაბაღის ირგვლივ ვითარების განვითარება, სადაც ხაზი გაესვა რეგიონში უსაფრთხოებისა და სტაბილურობის უზრუნველსაყოფად პრაქტიკული პრობლემების გადაწყვეტას. კიდევ ერთხელ დადასტურდა 2020 წლის 9 ნოემბრის, 2021 წლის 11 ნოემბრის და 2021 წლის 26 ნოემბრის სამმხრივი განცხადებების ყველა დებულების თანმიმდევრული განხორციელების შესაძლებლობა.
ასევე აღნიშნულია, რომ ლიდერები შემდგომ კონტაქტებზე შეთანხმდნენ.
26 მარტს აზერბაიჯანის შეიარაღებული ძალები მთიანი ყარაბაღის ტერიტორიაზე რუსეთის სამშვიდობო კონტინგენტის პასუხისმგებლობის ზონაში შევიდნენ. კვირას საღამოს რუსეთის თავდაცვის სამინისტრომ განაცხადა, რომ აზერბაიჯანმა ჯარები გაიყვანა ფარუხის დასახლებიდან.
