ევროსაბჭოს პრეზიდენტი შარლ მიშელი 6 აპრილს ბრიუსელში ერთობლივ შეხვედრას გამართავს სომხეთის რესპუბლიკის პრემიერ-მინისტრთან ნიკოლ ფაშინიანთან და აზერბაიჯანის პრეზიდენტ ილჰამ ალიევთან, იუწყება ევროკავშირის საბჭო.
სომხურ და აზერბაიჯანულ მხარეებს ინფორმაცია ჯერ არ დაუდასტურებიათ.
ნიკოლ ფაშინიანის, შარლ მიშელის და ილჰამ ალიევის წინა სამმხრივი შეხვედრა ბრიუსელში 2021 წლის 15 დეკემბერს გაიმართა.
განიხილეს 2020 წლის 9 ნოემბრის, 2021 წლის 11 იანვრის, ასევე 26 ნოემბრის სამმხრივი განცხადებების შესრულების პროცესი.
მიმდინარე წლის 4 თებერვალს, მინსკის ჯგუფის თანათავმჯდომარე ქვეყნის საფრანგეთის პრეზიდენტის – ემანუელ მაკრონის და ევროსაბჭოს პრეზიდენტის, შარლ მიშელის შუამავლობით და მონაწილეობით, გაიმართა ნიკოლ ფაშინიანის შეხვედრა ილჰამ ალიევთან დისტანციურად.
