მსოფლიოში ერთ-ერთი მაღალტექნოლოგიური ლიდერი NVIDIA ცენტრს აარსებს სომხეთში
მსოფლიოში ერთ-ერთი მაღალტექნოლოგიური ლიდერი NVIDIA აარსებს კვლევით ცენტრს სომხეთში. ამის შესახებ იუწყება პარლამენტის ვიცესპიკერი ჰაკობ არშაკიანი.
2019 წელს, დელეგაცია სრ-ის პრემიერ-მინისტრის ნიკოლ ფაშინიანის ხელმძღვანელობით ეწვია NVIDIA-ს შტაბ-ბინას სილიკონის ველში. კომპანიის დამფუძნებელთან და აღმასრულებელ დირექტორთან ჯენსენ ჰუანგთან შეხვედრისას განიხილეს NVIDIA-სთან შესაძლო თანამშრომლობა.
„დღეს მოხარული ვარ განვაცხადო, რომ NVIDIA მოდის სომხეთში. მსოფლიოს ერთ-ერთი წამყვანი ტექნოლოგიური გიგანტი, რომლის წლიური ბრუნვა შეადგენს 27 მილიარდ დოლარს და 20 000-ზე მეტი თანამშრომელია მთელ მსოფლიოში, ხსნის თავის ახალ ოფისს ერევანში. სომხურ ფილიალს უხელმძღვანელებს რევ ლებარედიანი, Omniverse-ის სიმულაციური ტექნოლოგიების ვიცე პრეზიდენტი.
1999 წელს NVIDIA GPU-ს გამოგონებამ ხელი შეუწყო კომპიუტერული თამაშების ბაზრის ზრდას და თანამედროვე კომპიუტერული გრაფიკის ხელახალი ინტერპრეტაცია მოახდინა.
კომპანიის მუშაობა დაჩქარებული გამოთვლების და ხელოვნური ინტელექტის სფეროში ტრანსფორმირებს ტრანსპორტს, ჯანდაცვასა და წარმოებას, ხელს უწყობს მრავალი სხვა სფეროს განვითარებას.
NVIDIA, კეთილი იყოს თქვენი მობრძანება სომხეთში!“ – წერს ის ფეისბუქის საკუთარ გვერდზე.
