უკანასკნელი 60 წლის განმავლობაში საფრანგეთში საპრეზიდენტო არჩევნები ორ ტურად ტარდება. 10 აპრილის საპრეზიდენტო არჩევნების პირველი ტურის შედეგების შემდეგ, მეორე ტურში მოქმედი პრეზიდენტი ემანუელ მაკრონი და ულტრამემარჯვენე ეროვნული ფრონტის ლიდერი მარინ ლე პენი გავიდნენ. მაკრონმა ხმების 27,6 პროცენტი მიიღო, ლე პენმა – 23,4 პროცენტი. საპრეზიდენტო არჩევნების მეორე ტური 24 აპრილს გაიმართება.
ყოფილმა დეპუტატმა, კუხო-სა და აკადემია „ევრაზესის“ რექტორმა მჰერ შაჰგელდიანმა “რადიოლურთან” ინტერვიუში გააანალიზა საფრანგეთის საპრეზიდენტო არჩევნები და მათი გავლენა სომხეთ-საფრანგეთის ურთიერთობებზე.
ემანუელ მაკრონი და ეროვნული ექსტრემალური მემარჯვენე პარტიის “ნაციონალური ფრონტის” ლიდერი მარინ ლე პენი 2017 წელს უკვე ერთხელ შეხვდნენ იმავე პლატფორმაზე. იმ დროს წარმატება მაკრონის მხარეზე იყო. 24 აპრილსაც მჰერ შაჰგელდიანი წინასწარმეტყველებს მოქმედი პრეზიდენტის მაკრონის მცირე სხვაობით გამარჯვებას.
პოლიტოლოგ შეფასებით, საფრანგეთში საპრეზიდენტო არჩევნების მეორე ტური საკმაოდ საინტერესო და მნიშვნელოვანია უახლოეს მომავალში ქვეყნის საშინაო და საგარეო პოლიტიკის თვალსაზრისით. ის ასევე მნიშვნელოვანია სომხეთისთვის, როგორც საფრანგეთის მეგობარი ქვეყნისთვის.
„სხვადასხვა დროში საფრანგეთის პოლიტიკური სფეროს სხვადასხვა წარმომადგენლები გამოხატავენ თბილ დამოკიდებულებას სომხური თემის და საერთდ სომხეთის მიმართ. ბევრი კანდიდატი დადებითად ახასიათებდა სომხეთს, ზოგი სომხეთსაც ეწვია, რა დროსაც აზერბაიჯანის დემარშის მოწმენი გავხდით, საფრანგეთის ამჟამინდელმა პრეზიდენტმა ემანუელ მაკრონმაც არაერთხელ ისაუბრა სომხეთსა და არცახზე. ტრადიციულად, საფრანგეთის პოლიტიკური სფერო, მთელი თავისი პალიტრით, ყოველთვის დიდად აფასებდა სომხეთთან ურთიერთობას. „მე ღრმად ვარ დარწმუნებული, რომ სომხეთ-საფრანგეთის ურთიერთობები თბილია და გაგრძელდება ნებისმიერი კანდიდატის არჩევის შემთხვევაში“,- დაასკვნა მჰერ შაჰგელდიანმა.
