სრ პრემიერ-მინისტრმა ნიკოლ ფაშინიანმა 13 აპრილს ეროვნულ ასამბლეაში მთავრობის პროგრამის განხორციელების პროცესი შეაფასა, შედეგების წარდგენისას თავისი განცხადებები წარმოადგინა და გარკვეული განმარტებები გააკეთა.
„ამ გამოსვლით ჩვენ გავუხსენით სივრცე სომხეთის რესპუბლიკას და არცახს, რადგან წინა პერიოდის მოლაპარაკებების მთელ პროცესში სომხეთს და არცახს ჩამოერთვა პოლიტიკური და დიპლომატიური სივრცე. ჩვენ გზას ვხსნით სომხეთისა და არცახის სახელმწიფოებრიობის შესანარჩუნებლად“, – ხაზგასმით აღნიშნა ფაშინიანმა ეროვნულ კრებაში დასკვნითი სიტყვით გამოსვლისას, იტყობინება „არმენპრესი“.
პრემიერის თქმით, ზოგი ოცნებობს, რომ ყარაბაღის ხალხი მალე წავა.
„არა, ყარაბაღელებმა არ უნდა დატოვონ ყარაბაღი. ყარაბაღელებმა უნდა იცხოვრონ ყარაბაღში, ყარაბაღელებს უნდა ჰქონდეთ უფლებები, თავისუფლებები და სტატუსი ყარაბაღში. ყარაბაღში მცხოვრები უნდა იყოს ყარაბაღელი, არცახელი და სომეხი. სწორედ ამაზეა საუბარი“, – აღნიშნა ფაშინიანმა.
პრემიერმა ხაზგასმით აღნიშნა, რომ სამხედროები ომში იმისთვის დაიღუპნენ, რომ პერსპექტივა გაეხსნათ ყარაბაღისა და სომხეთისთვის.
„ჩვენ გავხსენით გზა, რომ ჩვენი ხალხი გამოვიყვანოთ შესაწირი ბატკნის სტატუსიდან“, – ხაზგასმით აღნიშნა ფაშინიანმა.
