უკრაინის კრიზისი რუსეთის აქტივობის შემცირებას პოტენციურ საფრთხეს უქმნის სამხრეთ კავკასიაში. კორტუნოვი
უკრაინის კრიზისი რუსეთის აქტივობის შემცირებას პოტენციურ საფრთხეს უქმნის სამხრეთ კავკასიაში იმის გამო, რომ ძირითადი აქცენტი კეთდება უკრაინის ირგვლივ განვითარებულ მოვლენებზე. ამის შესახებ NEWS.am-თან ინტერვიუში განაცხადა საერთაშორისო საქმეებში რუსეთის საბჭოს გენერალურმა დირექტორმა ანდრეი კორტუნოვმა.
მისი თქმით, ეს სიტუაცია სხვა მოთამაშეებს უქმნის ცდუნებას, გაააქტიურონ თავიანთი პოლიტიკა და მოსკოვი ამ რეგიონიდან გამოდევნონ. „მომავალი დამოკიდებული იქნება სამხედრო დაპირისპირების შედეგზე, რუსეთსა და უკრაინას შორის მოლაპარაკებების შედეგზე და მხარეთა შესაძლებლობაზე ან უუნარობაზე, მიაღწიონ გარკვეულ სტაბილიზაციას რუსეთის ფედერაციასა და დასავლეთს შორის ურთიერთობებში. საუკეთესო შემთხვევაში, თუ ურთიერთობები აღდგება, სამხრეთ კავკასია არ გახდება გეოპოლიტიკური კონკურენციის პლატფორმა რუსეთსა და დასავლეთს შორის, ან ზოგადად აღმოსავლეთსა და დასავლეთს შორის, თუ ეს მხოლოდ რუსეთი კი არა, ჩინეთი და ზოგიერთი სხვა ქვეყანაცაა. სხვა სიტყვებით რომ ვთქვათ, ამ შემთხვევაში საერთაშორისო სისტემა არ გადაიხრება ბიპოლარობისკენ და სამხრეთ კავკასიას შეუქმნის მრავალვექტორიანი საგარეო პოლიტიკისა და ეკონომიკური თანამშრომლობის შესაძლებლობებს“.
მისი თქმით, უარესი სცენარის შემთხვევაში, უკრაინის კონფლიქტი გახდება კატალიზატორი ახალ ბიპოლარულ სამყაროზე გადასვლისთვის და ვითარება სამხრეთ კავკასიაში გართულდება. „მათ მოუწევთ არჩევანის გაკეთება აღმოსავლეთსა და დასავლეთს, ევროპასა და ევრაზიას შორის. და, რა თქმა უნდა, ნებისმიერი არჩევანის შემთხვევაში, რაღაცას დაკარგავენ. ვიმედოვნებ, რომ ასეთი არჩევანის წინაშე არ დადგებიან, მაგრამ ამაზე თავდაჯერებულად საუბარი ნაადრევია.
ამ კონტექსტში საკავშირო სახელმწიფოს გაფართოების შესაძლებლობაზე საუბრისას კორტუნოვმა აღნიშნა, რომ თეორიულად ეს ასევე შესაძლებელია. „მაგრამ ვფიქრობ, რომ სომხეთი ახლა კომფორტულ მდგომარეობაშია, ერთი მხრივ, ის არის ევრაზილი ეკონომიკური კავშირის წევრი, მეორე მხრივ, აქვს მრავალმხრივი ურთიერთობა ევროკავშირთან. სომხეთი კი იმის მაგალითია, რომ ქვეყანას საერთოდ არ სჭირდება არჩევანის გაკეთება აღმოსავლეთსა და დასავლეთს შორის, ქვეყანას შეუძლია ორ პლატფორმაზე მუშაობა, ორი მიმართულებით. და ეს არ უნდა იყოს სამყაროს შავ-თეთრი სურათი, რომელიც, სამწუხაროდ, ბევრ თავში არსებობს. შეიძლება ვცდები, მაგრამ ვფიქრობ, რომ სომხეთისთვის ოპტიმალური იქნება ამ ბალანსის შენარჩუნება“.
