სომხეთსა და აშშ-ს შორის გაფორმებული ,,სამოქალაქო ბირთვული ენერგიის სფეროში თანამშრომლობის შესახებ ურთიერთგაგების მემორანდუმი“ გააღრმავებს მხარეებს შორის თანამშრომლობას ბირთვული ენერგიის მშვიდობიანი და უსაფრთხო გამოყენების სფეროში, გააფართოვებს სომეხი ბირთვული ენერგეტიკის სპეციალისტების უახლეს ტექნოლოგიურ სიახლეებთან გაცნობის შესაძლებლობებს.
როგორც „არმენპრეს“-ი იტყობინება, მემორანდუმი წარმოადგენს სომხეთსა და შეერთებულ შტატებს შორის თანამშრომლობის გაგრძელებას, რომელიც დაიწყო 1997 წელს ბირთვული უსაფრთხოებისა და ტექნიკური ინფორმაციის სფეროში თანამშრომლობის შესახებ შეთანხმების ხელმოწერით, ასევე 2007-2017 წლების კიდევ ერთხელ დადასტურებული შეთანხმებების მიმართულებით.
2 მაისს აშშ-ს სახელმწიფო მდივანთან, ენტონი ბლინკენთან მემორანდუმის ხელმოწერამდე, სომხეთის საგარეო საქმეთა მინისტრმა არარატ მირზოიანმა აღნიშნა, რომ სომხეთი აფასებს აშშ-ის ძალისხმევას სომხეთში ენერგეტიკის სექტორის განვითარებაში, ამ კონტექსტში ხელმოწერილი მემორანდუმის გამოყენებით.
თავის მხრივ, აშშ-ის სახელმწიფო მდივანმა ენტონი ბლინკენმა ხაზი გაუსვა, რომ მემორანდუმის ხელმოწერა სომხეთსა და აშშ-ს შორის თანამშრომლობის ახალ გზებს ხსნის. მან გამოთქვა მოსაზრება, რომ მემორანდუმი შეიძლება ემსახურებოდეს ორ ქვეყანას შორის ურთიერთობების განმტკიცებას.
სომხეთის საგარეო საქმეთა მინისტრი არარატ მირზოიანი 2-6 მაისს სამუშაო ვიზიტით ეწვია შეერთებულ შტატებს სომხურ-ამერიკული სტრატეგიული დიალოგის სესიაში მონაწილეობის მისაღებად.
