საზოგადოება

უკრაინაში ტარიელ ონიანის ძმისშვილი, ე.წ. კანონიერი ქურდი მამუკა ონიანი დააკავეს

უკრაინაში, ივანო-ფრანკივსკის რეგიონში პოლიციამ ეროვნული უსაფრთხოებისა და თავდაცვის საბჭოს სანქციების სიიდან ქართველი “კანონიერი ქურდი” დააკავა, რომელიც შესაძლებელია ოკუპანტებთან თანამშრომლობდა და დივერსიულ საქმიანობას ეწეოდა. ინფორმაციას ამის შესახებ უკრაინის პოლიცია ავრცელებს.

მათივე ცნობით, კრიმინალების და საბოტაჟის საქმიანობაში ჩართული პირების გამოვლენისას მიიღეს ინფორმაცია, რომ ივანო-ფრანკოვსკის რეგიონში “კანონიერი ქურდი” მეტსახელად “მამუკა” იმალებოდა. აღსანიშნავია, რომ აღნიშნულმა პიროვნებამ ე.წ. კანონიერი ქურდის სტატუსი 2013 წელს სტამბოლში მიიღო და ამასთან, ის “კანონიერი ქურდის” ტარიელ ონიანის ნათესავია.

მამუკა ონიანი ერთ-ერთ კერძო სახლში დააკავეს. ამჟამად მიმდინარეობს მუშაობა მისი უკრაინიდან იძულებით გაძევების შესახებ.

ნახეთ მეტი
Back to top button