განიხილეს სომხეთ-აზერბაიჯანის საზღვრის დემარკაციისა და საზღვრის უსაფრთხოების კომისიასთან დაკავშირებული საკითხები

12 მაისს სრ საგარეო საქმეთა მინისტრი არარატ მირზოიანი, რომელიც ტაჯიკეთის დედაქალაქ დუშანბეში იმყოფება დსთ-ს საგარეო საქმეთა მინისტრების საბჭოს სხდომაში მონაწილეობის მისაღებად, შეხვდა რუსეთის საგარეო საქმეთა მინისტრს სერგეი ლავროვს.

თანამოსაუბრეებმა კმაყოფილება გამოთქვეს 19-20 აპრილს სომხეთის პრემიერ-მინისტრის ნიკოლ ფაშინიანის რუსეთში ოფიციალური ვიზიტის შედეგებსა და ორი ქვეყნის ლიდერებს შორის  მიღწეულ შეთანხმებებთან დაკავშირებით.

მხარეები შეეხნენ 2020 წლის 9 ნოემბრის, 2021 წლის 11 იანვრისა და 26 ნოემბრის სამმხრივი განცხადებებით აღებული ვალდებულებების შესრულებას.

განიხილეს სომხეთსა და აზერბაიჯანს შორის დემარკაციისა და საზღვრის უსაფრთხოების კომისიის შექმნასთან დაკავშირებული საკითხები.

ხაზი გაესვა რეგიონში ეკონომიკური კავშირებისა და სატრანსპორტო კომუნიკაციების განბლოკვის აუცილებლობას.

მინისტრმა მირზოიანმა წარმოადგინა სომხეთის პოზიცია რეგიონული მშვიდობისა და სტაბილურობის დამყარებისკენ გადადგმულ ნაბიჯებზე და აზერბაიჯანთან მოგვარების პროცესზე.

არარატ მირზოიანმა და სერგეი ლავროვმა მოსაზრებები გაცვალეს სომხეთის, რუსეთისა და აზერბაიჯანის საგარეო საქმეთა მინისტრების სამმხრივ შეხვედრაზე.

თანამოსაუბრეებმა ასევე განიხილეს ორ ქვეყანას შორის სამოკავშირეო ურთიერთობებისა და სტრატეგიული თანამშრომლობის შემდგომი გაღრმავება ორმხრივ და მრავალმხრივ ფორმატებში.