რუსეთის ელჩი სომხეთში სერგეი კოპირკინი სიუნიქის რეგიონს ეწვია.
რუსეთის საელჩოს პრესსამსახურში აცხადებენ, რომ ელჩმა კოპირკინმა სომხეთში რუსეთის უშიშროების ფედერალური სამსახურის სასაზღვრო დეპარტამენტის ხელმძღვანელებთან ერთად პატივი მიაგო 2020 წელს ერასხის დასახლების მახლობლად დაღუპული მი-24 ვერტმფრენის ეკიპაჟის წევრების ხსოვნას.
ელჩმა ასევე მოინახულა სომხეთის საზღვარზე მდებარე სასაზღვრო გამშვები პუნქტები „პარუირ სევაკ“ და „ტეღ“, შეხვდა რუს მესაზღვრეებს, გაეცნო მათი ყოველდღიური საბრძოლო მომზადების თავისებურებებს.
კაპანში, სიუნიქში, კოპირკინს დახვდნენ მერიის წარმომადგენლები, რომლებმაც ქალაქის მოსახლეობის სახელით მადლობა გადაუხადეს რუსეთს სოციალურ-ეკონომიკური განვითარების პროგრამების განხორციელების მხარდაჭერისთვის, ასევე მესაზღვრეების მონაწილეობისთვის რეგიონში უსაფრთხოების უზრუნველყოფაში.
ელჩი კაპანის აეროპორტის მახლობლად მდებარე რუსული მესაზღვრეების ბაზასაც ეწვია. მეღრის სასაზღვრო რაზმის უფროსმა, პოლკოვნიკმა ა. ვ. ბურშტინმა დიპლომატიური წარმომადგენლობის ხელმძღვანელს სომხეთის საზღვრის ამ ნაწილში განვითარებული ოპერატიული ვითარების თავისებურებები გააცნო.
