ერევანში აშენდება საცხოვრებელი მიკრორაიონი 63 საცხოვრებელი კორპუსით და ტყე-პარკით. ინვესტიციები 3 მილიარდ დოლარს შეადგენს
გასულ პარასკევს ვიცე-პრემიერმა ჰამბარძუმ მათევოსიანმა სამშენებლო მოედანი მოინახულა, გაეცნო ერევნის ტიჩინას ქუჩაზე და ჩრდილოეთ-სამხრეთის გზატკეცილის მიმდებარე რაიონში დაწყებულ ურბანული განვითარების პროგრამას, იტყობინება სააგენტო „არკა“ სომხეთის მთავრობის პრესსამსახურზე დაყრდნობით.
აღსანიშნავია, რომ 129 ჰექტარი მიწის ნაკვეთი საცხოვრებელი და საზოგადოებრივი შენობა-ნაგებობების კომპლექსების, ასევე ტყეპარკის მშენებლობისთვისაა გამოყოფილი, რომლის მშენებლობაც ხუთ ეტაპად იგეგმება.
სამუშაო ვიზიტის ფარგლებში ვიცე-პრემიერი მათევოსიანი გაეცნო ადგილობრივი ურბანული განვითარების თავისებურებებს, გეგმას, დაათვალიერა დაწყებული სამშენებლო სამუშაოები, შემდეგ გამართა კონსულტაცია.
ამ ეტაპებზე განხორციელებული ინვესტიციები დაახლოებით $3 მილიარდს შეადგენს. საცხოვრებელი მიკრორაიონების მშენებლობა 2027 წელს დასრულდება.
