30 მაისს სომხეთის თავდაცვის მინისტრმა სურენ პაპიკიანმა თავდაცვის სამინისტროს სამშვიდობო ძალების ბრიგადა მოინახულა, მონაწილეობა მიიღო მშვიდობის დაცვის საერთაშორისო დღისადმი მიძღვნილ საზეიმო ცერემონიაში.
თავდაცვის მინისტრმა სამხედროებს პროფესიული დღესასწაული მიულოცა, მადლობა გადაუხადა ერაყის, კოსოვოს, ავღანეთის, სირიის, ლიბანის, მალისა და ყაზახეთის პარტნიორ ქვეყნების სამხედრო მოსამსახურეებთან ერთად განხორციელებულ სამშვიდობო მისიებისათვის. მაღალი შეფასება მისცა ბრიგადის სამხედრო მოსამსახურეების პროფესიონალიზმს, სურენ პაპიკიანმა ხაზი გაუსვა, რომ მშვიდობის ღირებულების გაცნობიერებით, სომეხი სამხედროები პატივისცემით ასრულებდნენ დასახულ ამოცანებს, რითაც თავიანთი წვლილი შეიტანეს კონფლიქტებისა და ომების მსხვერპლთა უსაფრთხოებისა და მშვიდობის უზრუნველყოფაში.
თავდაცვის მინისტრმა საზეიმო ცერემონიაზე სამშვიდობო ბრიგადის რამდენიმე სამხედრო მოსამსახურე მედლებითა და დიპლომებით დააჯილდოვა.
თავდაცვის მინისტრმა და მისმა თანმხლებმა მაღალჩინოსნებმა სამხედრო ნაწილის ტერიტორიაზე აშენებულ მემორიალი ყვავილებით შეამკეს, პატივი მიაგეს 44-დღიან ომში დაღუპული გმირების ხსოვნას.
