უსაფრთხოების საბჭოს მდივანმა დეტალურად განმარტა, თუ რას განიხილავენ დელიმიტაციის კომისიები მომავალ სხდომაზე
უსაფრთხოების საბჭოს მდივანმა არმენ გრიგორიანმა დეტალები გააცნო, თუ რას განიხილავენ სომხეთსა და აზერბაიჯანს შორის სასაზღვრო უსაფრთხოების კომისიები მოსკოვში მეორე შეხვედრაზე.
„დღის წესრიგში იქნება დელიმიტაციასთან და დემარკაციასთან დაკავშირებული საკითხები. განხილული იქნება, თუ როგორ გავაგრძელებთ წინსვლას ამ პროცესში. რაც შეეხება შეხვედრის დღეს და საათს, იქნება განცხადება ვიცე-პრემიერ მჰერ გრიგორიანის მიერ“, – „არმენპრეს“-ის ცნობით ჟურნალისტებთან ბრიფინგზე განაცხადა არმენ გრიგორიანმა.
შეეხო რა სომხეთის კომისიის მცირერიცხოვანი არამიზნობრივი სპეციალისტებით დაკომპლექტების საკითხს, გრიგორიანმა განაცხადა, რომ სადელიმიტაციო და სადემარკაციო სამუშაო ჯგუფის რაოდენობას დიდი მნიშვნელობა არ აქვს, რადგან ყველა საკითხი უწყებათაშორისი დისკუსიის საგანია და მოლაპარაკებების დაწყებამდე სამუშაო ჯგუფმა მომზადება გაიარა.
„თუ სამუშაო ჯგუფის წევრი არის მინისტრის მოადგილე, ეს არ ნიშნავს, რომ სამინისტროს სხვა თანამშრომლები არ მონაწილეობენ პროცესის მომზადებაში. რაოდენობაში პრობლემას ვერ ვხედავ”, – განაცხადა გრიგორიანმა.
რაც შეეხება კითხვას, რატომ არ შედიან სამუშაო ჯგუფში ოპოზიციონერები, გრიგორიანმა უპასუხა, რომ ისინი არ არიან წარმოდგენილნი აღმასრულებელ ხელისუფლებაში, ლოგიკურია რატომ არ შედიან კომისიაში.
