მთავრობამ 23 ივნისის სხდომაზე დაამტკიცა წინადადება სომხეთსა და შეერთებულ შტატებს შორის საგრანტო განვითარების თანამშრომლობის ხელშეკრულების ხელმოწერის შესახებ. გადაწყვეტილების დასაბუთებაში ნათქვამია, რომ სომხეთის რესპუბლიკასა და ამერიკის შეერთებულ შტატებს შორის (შემდგომში USAID) დაგეგმილია ,,სომხეთის რესპუბლიკასა და ამერიკის შეერთებულ შტატებს შორის განვითარების თანამშრომლობის საგრანტო ხელშეკრულების“ ხელმოწერა.
განვითარების თანამშრომლობის საგრანტო შეთანხმების მიზანია დაეხმაროს სომხეთს რეფორმების პროცესში, რომელიც მიზნად ისახავს დემოკრატიისა და ეკონომიკური სტაბილურობის განმტკიცებას. USAID-ის მთლიანი ინვესტიცია მიზნებისათვის 120,000,000 აშშ დოლარი განვადებით გაიცემა. USAID გეგმავს თავისი მთლიანი წვლილის განაწილებას მიზნებს შორის შემდეგნაირად: $68,565,000 დემოკრატიის ხელშეწყობისთვის 51,435,000 აშშ დოლარი ეკონომიკური უსაფრთხოების გასაუმჯობესებლად.
COVID-19-ის ეპიდემიით და მთიანი ყარაბაღის წინააღმდეგ გაჩაღებული ომით გამოწვეული შოკების, ისევე როგორც 2021 წელს ჩატარებული სამართლიანი და გამჭვირვალე არჩევნების გათვალისწინებით, ამ დოკუმენტით ამერიკის შეერთებული შტატები იღებს ვალდებულებას მხარი დაუჭიროს სომხეთის რესპუბლიკას ეფექტური და ანგარიშვალდებული მმართველობის ჩამოყალიბებაში, დემოკრატიული მიღწევების შენარჩუნებაში, ასევე ეკონომიკური გამოწვევების დაძლევაში.
