სომხეთის ეროვნულმა ავიაკომპანიამ Fly Arna, რომელიც წარმოადგენს სომხეთის სახელმწიფო ინტერესთა ფონდის (ANIF) და Air Arabia Group-ის ერთობლივ საწარმოს, პირველი კომერციული რეისი შეასრულა ერევანიდან ჰურგადაში.
ორიგინალური რეისი G6 501 ზვართნოცის საერთაშორისო აეროპორტიდან 07:00 საათზე გაფრინდა და ჰურგადას საერთაშორისო აეროპორტში ადგილობრივი დროით 08:40 საათზე დაეშვა. Fly Arna-ს გუნდის წევრები ზვართნოცის საერთაშორისო აეროპორტის წარმომადგენლებთან ერთად მგზავრებს გამგზავრების დარბაზში დახვდნენ, ჰურგადას საერთაშორისო აეროპორტში კი თვითმფრინავს წყლის თაღი და აეროპორტში სპეციალური ცერემონიალი დახვდათ.
Fly Arna-ს სპიკერმა, გაიანე ანტონიანმა განაცხადა: „ჩვენ გულთბილად მივესალმებით ჩვენი პირველი რეისის ყველა მგზავრს, რომელიც დღეს პოპულარულ ტურისტულ დანიშნულების ადგილს ჰურგადაში მიემგზავრება. ჩვენ ძალიან მოხარულები ვართ ფრენების წამოწყებით ამ ექსკლუზიურ კურორტზე, სადაც შეგიძლიათ დაათვალიეროთ ქალაქის მთავარი ღირსშესანიშნაობები, დატკბეთ წარმოუდგენელი პლაჟებით და წყლის სპორტით. FlyArna-ს გუნდი მუდმივად მუშაობს ფრენების გეოგრაფიის გაფართოებაზე და მალე გამოაცხადებს ახალ მიმართულებებს“.
