თავდაცვის სამინისტრო სამხედრო განათლების სფეროში რეფორმებს ახორციელებს. რესპუბლიკაში სამხედრო აკადემია შეიქმნება. ამის შესახებ 6 ივლისს, ეროვნულ ასამბლეაში, თავდაცვისა და უშიშროების პარლამენტის მუდმივმოქმედი კომიტეტის რიგგარეშე სხდომაზე განაცხადა თავდაცვის მინისტრმა სურენ პაპიკიანმა.
მისი თქმით, დაგეგმილია ვაზგენ სარგსიანის სახელობის სამხედრო ინსტიტუტისა და ხანფერიანცის სახელობის სამხედრო საავიაციო ინსტიტუტის გაერთიანება, რითაც ახალი სამხედრო აკადემია შეიქმნება. მასში იქნება ცალკე ფაკულტეტები, მათ შორის სასაზღვრო ჯარში სამსახურისთვის მომზადება. „ამ რეფორმამდე ჩვენ არ გვქონდა ცალკე საგანმანათლებლო დაწესებულება, რომელიც სასაზღვრო ჯარების ოფიცრებს მოამზადებდა“, – აღნიშნა მინისტრმა. პაპიკიანმა შენიშნა, რომ სასაზღვრო ჯარებში მსახურობდნენ სომხეთისა და რუსეთის სამხედრო აკადემიის კურსდამთავრებულები.
