ლარსის გამტარუნარიანობა მნიშვნელოვნად გაიზარდა ბოლო 1,5 თვის განმავლობაში. ამის შესახებ მთავრობის მორიგი სხდომის შემდეგ ჟურნალისტებთან ბრიფინგზე განაცხადა ეკონომიკის მინისტრმა ვაჰან ქერობიანმა. „სომხური მანქანების ტევადობა გაორმაგდა. თუ ორი თვის წინ ლარსის გავლით სომხური მანქანების საშუალო დღიური რაოდენობა 130 იყო, ახლა დაახლოებით 250-ია“, – განაცხადა მან. ქერობიანის თქმით, მალფუჭებადი საქონლის სწრაფმა გადასვლამ მნიშვნელოვნად შეამსუბუქა სოფლის მეურნეობის ექსპორტიორების მუშაობა და შეამცირა რისკები. ვფიქრობთ, რომ რიგების პრობლემა უახლოესი ერთი თვის განმავლობაში მთლიანად მოგვარდება, რიგები გაქრება და ამინდის პირობების გაუარესებამდე პრობლემა არ გვექნება“, – განაცხადა მან. ბორნით გადაადგილების ვარიანტებზე მინისტრმა განაცხადა, რომ მოსალოდნელია, რომ საკითხი უახლოეს დღეებში მოგვარდეს. „თუ არა, ჩვენ შევძლებთ იგივეს გაკეთებას და ალტერნატიული ვარიანტის შექმნას ბათუმის პორტის გავლით. პრობლემა ის არის, რომ ჰოლანდიური კომპანია შეუერთდა რუსეთის წინააღმდეგ სანქციებს და სანქციების გამო ნებართვის მიღება ჭიანურდება. ბათუმის კომპანიას ფილიპინური კომპანია მართავს, საიდანაც ნებართვის აღება უფრო ადვილია. ვფიქრობთ, რომ კარგი ვარიანტია ფოთის პორტი, მაგრამ თუ ასე არ არის, მეორე ვარიანტს გამოვიყენებთ“, – განაცხადა ქერობიანმა.
ინფლაციასთან დაკავშირებით, ეკონომიკის მინისტრმა განაცხადა, რომ ცენტრალური ბანკი ინფლაციას თავისი ინსტრუმენტებით ებრძვის. „სურსათზე მაღალი ფასების გამო, სიღარიბის გაზრდის რისკის წინაშე ვდგავართ და მთავრობა ამ მიმართულებით რამდენიმე ღონისძიებას ამზადებს. გაიზრდება მინიმალური ხელფასები და პენსიები, შეიქმნება ახალი სამუშაო ადგილები“, – განაცხადა მან.
