30-31 ივლისს სომხეთში გაიმართება FemInno ქალთა საერთაშორისო ინოვაციური კონფერენცია, რომლის ფარგლებშიც შეჯამდება როგორც სომეხი, ისე უცხოელი ქალებისა და გოგონების მიერ შექმნილი სტარტაპების კონკურსის შედეგები.
“არმენპრესის” ინფორმაციით, კონფერენციის მთავარი მიზანია ბიზნესის, მეცნიერებისა და ტექნოლოგიების სფეროებში ქალთა დაფასება, წარმოდგენა და გაძლიერება. განათლების, როგორც ძირითადი გზის, მრავალფეროვნებისა და ინკლუზიის ხელშეწყობა ადრეული ასაკიდან, მოწყვლადი ჯგუფების გაძლიერება და კვალიფიკაციის ამაღლება, სამუშაო ადგილების და ქსელური შესაძლებლობების შექმნა.
ღონისძიებაზე გამოვა 30-ზე მეტი მომხსენებელი და სპეციალური სტუმარი, ჩატარდება 10-ზე მეტი სემინარი და მასტერკლასი, იქნება 15 ქვეყნის 2000-ზე მეტი მონაწილე.
