გერმანიის საუკეთესო ბიზნეს სკოლა  სომხეთში. ერთობლივი საგანმანათლებლო პროგრამა მატენასთან

პრესტიჟული პერიოდული გამოცემა “Financial Times”-ის რეიტინგის მიხედვით, გერმანიაში საუკეთესო ბიზნეს სკოლა, ESMT ბერლინი, სომხეთში დაარსებულ საერთაშორისო სკოლა “მატენასთან” ერთობლივად განახორციელებს საგანმანათლებლო პროგრამას ბიზნეს სექტორის ლიდერებისა და მენეჯერებისთვის. ამის შესახებ „არმენპრესს“ ფონდ IDeA-ს საზოგადოებასთან ურთიერთობის სამსახურში განუცხადეს.

„ESMT Berlin-Matena“ საერთაშორისო პროგრამა მიმდინარე წლის შემოდგომაზე ამოქმედდება და მონაწილეობის მიღება მენეჯმენტისა და ლიდერობის განათლებით დაინტერესებულ პირებს შეეძლებათ, როგორც სომხეთიდან, ასევე მსოფლიოს სხვადასხვა ქვეყნიდან. „მატენა წამყვან საგანმანათლებლო დაწესებულებებთან პარტნიორობით მსოფლიო დონის ბიზნეს განათლებას ხელმისაწვდომს ხდის სომხეთში. ჩვენს ქვეყანას შეუძლია და უნდა გახდეს საუკეთესო დანიშნულება რეგიონში მათთვის, ვინც დაინტერესებულია საერთაშორისო მაღალი ხარისხის განათლებით“, – ამბობს რუბენ ჰაირაპეტიანი, საერთაშორისო სკოლის თანადამფუძნებელი და დირექტორი „მატენა“.

მატენა უკვე ახორციელებს უამრავ საერთაშორისო საგანმანათლებლო პროგრამას სომხეთში, მუდმივად აფართოებს წამყვანი პარტნიორებისა და ექსპერტების ქსელს.