«Aircompany Armenia» და Georgian Airways Boeing 737-800 თვითმფრინავებით ტვირთის გადაზიდვას განახორციელებენ

«Aircompany Armenia»-მ და მისმა პარტნიორმა  «Georgian Airways»-მა 18.07.2022 წ. გამოაცხადა შეკვეთები სამი განახლებული Boeing 737-800 (BCF) სატვირთო თვითმფრინავისთვის, როგორც ჯგუფის გეგმის ნაწილი, გაზარდოს სპეციალური სატვირთო თვითმფრინავების რაოდენობა კავკასიაში მისი ოპერაციებისთვის.

„ჩვენ დაინტერესებული ვართ, რომ რეგიონში უფრო დიდი მოთხოვნილების მქონე საჰაერო გადაზიდვები განვახორციელოთ 3 ახალი სატვირთო თვითმფრინავით Boeing 737-800“, – ამბობს Georgian Airlines Group-ის პრეზიდენტი თამაზ გაიაშვილი. Boeing 737-800BCFs-ის მომსახურება მოხდება ჩინეთის Guangzhou Aircraft Maintenance Engineering Company Limited (GAMECO)-ში  და Taikoo (Shandong) Aircraft Engineering Co. შპს-ში (STAECO).

„მოხარულები ვართ, რომ Aircompany Armenia-მ და Georgian Airlines-მა აირჩიეს 737-800BCF, რათა დააკმაყოფილონ საჰაერო ტვირთზე მზარდი მოთხოვნა იმ ბაზრებზე, რომლებსაც ემსახურებიან. ჩვენ გვაქვს პატივი, გავაგრძელოთ მათი სპეციალიზირებული ტვირთის გაფართოების მხარდაჭერა“, – თქვა Boeing Global Services-ის პრეზიდენტმა და აღმასრულებელმა დირექტორმა სტეფანი პოუპმა.

Boeing 737-800BCF-ს აქვს უფრო დიდი დატვირთვის შესაძლებლობა – 23,9 ტონამდე (52,800 lb) და ფრენის უფრო დიდი მანძილი 3,750 კმ (2,025 საზღვაო მილი) სტანდარტულ 737 სატვირთოსთან შედარებით. 737-800BCF-ს აქვს 250-ზე მეტი შეკვეთა და ვალდებულება 20-ზე მეტი მომხმარებლისგან.