აშშ-ის სახელმწიფო მდივანი, ისევე როგორც სხვა მაღალი რანგის ამერიკელი ოფიციალური პირები, მუშაობენ სომხეთთან და აზერბაიჯანთან ყველა დონეზე, აგრძელებენ ამერიკული მხარის მხარდაჭერას გრძელვადიანი და ყოვლისმომცველი მშვიდობისთვის, – ბრიფინგზე განაცხადა აშშ-ს სახელმწიფო დეპარტამენტის სპიკერმა ნედ პრაისმა.
„ჩვენ მოვახერხეთ გარკვეული პროგრესის მიღწევა და სომეხ და აზერბაიჯანელ პარტნიორებთან უწყვეტი კონტაქტებითა და დიპლომატიური მოლაპარაკებებით, გვჯერა, რომ შეგვიძლია გავაგრძელოთ ეს პროცესი. სახელმწიფო მდივანს ბევრი სატელეფონო საუბარი ჰქონდა სომხეთისა და აზერბაიჯანის ხელმძღვანელობასთან, მაგრამ ამ სტრუქტურაში არის უამრავი ადამიანი, მაღალი თანამდებობის პირები, რომლებიც კონტაქტში არიან სხვადასხვა დონეზე თავიანთ კოლეგებთან და კიდევ ერთხელ ადასტურებენ ჩვენს დახმარებას. იმიტომ, რომ ჩვენ გვინდა გრძელვადიანი, ყოვლისმომცველი მშვიდობა“.
აზერბაიჯანის პრეზიდენტის მიერ მინსკის ჯგუფის კრიტიკის საპასუხოდ, მომხსენებელმა განაცხადა: „ჩვენს განცხადებებში მკაფიოდ ვთქვით, რომ შეერთებული შტატები მზადაა მხარი დაუჭიროს ორივე ქვეყანას და თანამოაზრე პარტნიორებს ნებისმიერ ვარიანტსა თუ ფორმატში, რომელიც ეფექტური იქნება. ჩვენ მინსკის ჯგუფის თანათავმჯდომარეები ვართ 1994 წლიდან, მაგრამ როგორც უკვე ავღნიშნეთ, ჩვენ ასევე გვინდა ორმხრივ ფორმატში ქვეყნებთან ურთიერთობა, რათა დავეხმაროთ სომხეთსა და აზერბაიჯანს გრძელვადიანი, ყოვლისმომცველი მშვიდობის პოვნაში“.
