რუსეთის ფედერაციის შეიარაღებული ძალების გუნდი სომხეთში ჩავიდა, რათა მოემზადოს საერთაშორისო არმიის თამაშების კონკურსის „მშვიდობის მეომარი“ საერთაშორისო ეტაპისთვის. ინფორმაციას ავრცელებს სამხრეთის სამხედრო ოლქის პრესსამსახური. ორი კვირის განმავლობაში მონაწილეები შეჯიბრისთვის მოემზადებიან სამხრეთის სამხედრო ოლქის სამხედრო ნაწილის სამხედრო გარნიზონის ტერიტორიაზე. საშეჯიბრო ღონისძიებები 13-დან 27 აგვისტოს ჩათვლით სამხედრო ნაწილებისა და სპორტული კომპლექსების ტერიტორიაზე გაიმართება. ყველა საერთაშორისო გუნდის განთავსება მოეწყობა ქალაქ დილიჯანის სასწავლებლის შენობაში.
საკონკურსო პროგრამა მოიცავს სამხედრო-სპორტულ შეჯიბრს „ათლეტი“, საბრძოლო მომზადების საგნების შეჯიბრებებს „პროფესიონალი“ და „სნაიპერი“, ნიჭიერების ლიტერატურულ-მხატვრულ და საცეკვაო-შემოქმედებით შეჯიბრებებს „ერუდიტი“ და „კავალერი“.
კულტურული და გასართობი ღონისძიებების დროს, ყველა დელეგაციისთვის მოეწყობა კულტურული პროგრამები და ვიზიტები სომხეთის ისტორიულ ღირსშესანიშნაობებში.
ყველა ღონისძიება ჩატარდება სანიტარიული და ჰიგიენური ანტიეპიდემიური ღონისძიებების დაცვით.
შეჯიბრში მონაწილეობას მიიღებენ რუსეთის, სომხეთის, ყაზახეთისა და ბელორუსის სამხედროები. 2022 წლის საერთაშორისო არმიის თამაშების საერთაშორისო ეტაპები 11 ქვეყანაში გაიმართება, სადაც 34 ქვეყნის 280-ზე მეტი გუნდი 34 შეჯიბრში მიიღებს მონაწილეობას.
