სომხეთის უშიშროების საბჭოს მდივანი არმენ გრიგორიანი ხაზს უსვამს, რომ აზერბაიჯანის მოთხოვნა აზერბაიჯანის ლაჩინის დერეფნის სხვა მარშრუტით ჩანაცვლების შესახებ არ არის ლეგიტიმური. ამაზე არმენ გრიგორიანმა ისაუბრა „არმენპრესთან“.
— ბატონო გრიგორიან, მთიანი ყარაბაღის პრეზიდენტმა გუშინ უშიშროების საბჭოს გაფართოებულ სესიაზე განაცხადა, რომ აზერბაიჯანმა რუსეთის სამშვიდობო ძალების სარდლობის მეშვეობით წარმოადგინა მოთხოვნა სომხეთთან დამაკავშირებელი მიმოსვლის ორგანიზების შესახებ სხვა მარშრუტით. როგორ განმარტავდით ამ განცხადებას?
— სრ პრემიერ-მინისტრის, რუსეთის ფედერაციის პრეზიდენტისა და აზერბაიჯანის პრეზიდენტის 2020 წ. სამმხრივი დეკლარაციის მე-6 პუნქტში, რომელიც განსაზღვრავს მთიანი ყარაბაღის სომხეთთან დამაკავშირებელი ლაჩინის დერეფნის შექმნასა და ფუნქციონირებასთან დაკავშირებულ საკითხებს, განსაზღვრულია შემდეგი: „მხარეებთან (ანუ რუსეთის ფედერაციასთან, სომხეთთან და აზერბაიჯანთან) შეთანხმებით, უახლოესი სამი წლის განმავლობაში გადაწყდება ლაჩინის დერეფნის გავლით ახალი სატრანსპორტო მარშრუტის მშენებლობის გეგმა, რომელიც სომხეთს მთიან ყარაბაღთან აკავშირებს. რუსული სამშვიდობო კონტინგენტი შემდგომში გადანაწილდება ამ მარშრუტის დასაცავად“. ამ ხნის განმავლობაში, რა თქმა უნდა, გარკვეული სამუშაოები გაკეთდა ამ მიმართულებით, მაგრამ ჯერჯერობით შეთანხმებული გეგმა არ არსებობს. ყოველ შემთხვევაში, სომხეთი არც ერთ გეგმას არ დათანხმდა, ამიტომ აზერბაიჯანის მოთხოვნა არ არის ლეგიტიმური.
– მაგრამ თქვენ განაცხადეთ, რომ სომხეთი იწყებს კორნიძორ-ტეღ – M12 ავტომაგისტრალის სარეკონსტრუქციო სამუშაოებს, რომელიც ლაჩინის დერეფნის ახალ მარშრუტს უნდა დაუკავშირდეს.
— დიახ, ეს მშენებლობა უკვე დაწყებულია, მაგრამ გაითვალისწინეთ, რომ სამმხრივ განცხადებაში აღნიშნულია ახალი მარშრუტის მშენებლობის გეგმა. ასეთი შეთანხმებული გეგმა არ არსებობს. სომხეთის რესპუბლიკამ უკვე შესთავაზა გეგმის შეთანხმება და ხელმოწერა სამმხრივ ფორმატში და წინსვლა შეთანხმებული გრაფიკით და საგზაო რუკით. სწორედ ეს არის დაგეგმილი 2020 წლის 9 ნოემბრის სამმხრივი დეკლარაციით.
