სომხეთის რესპუბლიკა, კიდევ ერთხელ ადასტურებს თავის ერთგულებას რეგიონში მშვიდობისა და სტაბილურობის დამყარების დღის წესრიგისადმი, მოუწოდებს საერთაშორისო საზოგადოებას მიიღოს ზომები აზერბაიჯანის აგრესიული განწყობისა და ქმედებების შესაჩერებლად და ამისთვის აუცილებელი საერთაშორისო მექანიზმების ამოქმედებისთვის.
“არმენპრესის” ცნობით, ამის შესახებ ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში, რომელიც სრულად წარმოგიდგენთ ქვემოთ.
„ამა წლის 3 აგვისტოს აზერბაიჯანის შეიარაღებულმა ძალებმა კიდევ ერთხელ დაარღვიეს სომხეთის, რუსეთისა და აზერბაიჯანის ლიდერების შეთანხმება 2020 წელს მთიანი ყარაბაღის კონფლიქტის ზონაში ცეცხლის შეწყვეტის შესახებ. 9 ნოემბრის სამმხრივი დეკლარაციის თანახმად, რუსეთის სამშვიდობო ჯარების პასუხისმგებლობის ზონაში განხორციელდა აგრესია, რის შედეგადაც არიან მსხვერპლი და დაჭრილები.
სომხური მხარის მიერ რეგიონში სტაბილურობისა და მშვიდობის მისაღწევად გადადგმული ნაბიჯების მიუხედავად, აზერბაიჯანი აგრძელებს დაგეგმილ პოლიტიკას და ატერორებს მთიანი ყარაბაღის მოსახლეობას, ახორციელებს მთიანი ყარაბაღის ეთნიკურ წმენდასა და მცოცავ ოკუპაციას.
დაუშვებლად მიგვაჩნია აზერბაიჯანული მხარის განცხადებები, რომლითაც ხდება სამმხრივი დეკლარაციის მე-6 პუნქტით განსაზღვრული ლაჩინის დერეფნის სამართლებრივი რეჟიმის ცალმხრივი შეცვლა და ვადასტურებთ, რომ ლაჩინის დერეფნის გავლით მარშრუტის შეცვლა შესაძლებელია მხოლოდ დეკლარაციაზე ხელმომწერი მხარეების მიერ დამტკიცებული გეგმის მიხედვით.
როგორც 9 ნოემბრის განცხადებაში ნათლად არის ნათქვამი, მხარეთა შეთანხმებით (რუსეთის ფედერაცია, სომხეთის რესპუბლიკა და აზერბაიჯანის რესპუბლიკა) ლაჩინის დერეფნის ახალი სატრანსპორტო მარშრუტის მშენებლობის გეგმა, რომელიც სომხეთს მთიან ყარაბაღთან აკავშირებს, გადაწყდება მომდევნო სამი წლის განმავლობაში, რუსეთის სამშვიდობო ჯარების გადანაწილებით ამ მარშრუტის დასაცავად.
ჩვენ ხაზს ვუსვამთ, რომ სამმხრივ ფორმატში დამტკიცებული მსგავსი გეგმა დღემდე არ არის და მოვუწოდებთ სამმხრივ დეკლარაციის ყველა მხარეს, შეასრულონ თავიანთი ვალდებულებები, დაუყონებლივ მიმართონ ძალისხმევა 9 ნოემბრის დეკლარაციაში დადგენილი პირობების შესასრულებლად, მათ შორის, ცეცხლის შეწყვეტის რეჟიმის შენარჩუნების, რეგიონული კომუნიკაციების გახსნის, სამხედრო ტყვეების გათავისუფლების, მძევლების, სხვა დაკავებული პირების დაბრუნების მიმართულებით.
სომხეთის რესპუბლიკა კიდევ ერთხელ ადასტურებს თავის ერთგულებას რეგიონში მშვიდობისა და სტაბილურობის დამყარების დღის წესრიგისადმი, მოუწოდებს საერთაშორისო საზოგადოებას მიიღოს ზომები აზერბაიჯანის აგრესიული განწყობისა და ქმედებების შესაჩერებლად და აუცილებელი საერთაშორისო მექანიზმების ამოქმედებისთვის“.
