აქტივისტები ლონდონში აზერბაიჯანის საელჩოს შენობაში შეიჭრნენ და დროშა ჩამოაგდეს
ლონდონში აქტივისტების ჯგუფი თავს დაესხა აზერბაიჯანის საელჩოს შენობას და დროშა ფასადიდან ჩამოხსნა. რვა ადამიანი დააკავეს, იუწყება Metro.
სოციალურ ქსელში გავრცელებულ კადრებში ჩანს, რომ მამაკაცთა ჯგუფი დროშებს აფრიალებს საელჩოს აივნიდან.
კედელზე არაბული სლოგანები იყო გამოკრული, აზერბაიჯანის დროშა კი ჩამოშვებულია.
გაურკვეველია, რამ გამოიწვია პროტესტი, მაგრამ მას ხელმძღვანელობდა ჯგუფი, სახელწოდებით ,,მაჰდის მსახურთა კავშირი“.
ეს არის ლონდონში დაფუძნებული შიიტური მუსლიმური ორგანიზაცია, რომელსაც სურს დაამყაროს “ცივილიზაციის უზენაესობა”, ნათქვამია ჯგუფის ვებსაიტზე.
ორგანიზაციის წევრებმა მიზეზად აზერბაიჯანის მთავრობის მიერ ზოგიერთი შიიტი მუსლიმის დევნა დაასახელეს.
განცხადებაში ჯგუფმა განაცხადა, რომ მათმა ლიდერმა აზერბაიჯანის პრეზიდენტის, ილჰამ ალიევის წინააღმდეგ გადაუდებელი ზომების მიღება გასცა.
