სომხეთში გამოცხადებულ გლოვის დღეებთან დაკავშირებით, საგარეო საქმეთა მინისტრის არარატ მირზოიანის დავალებით, სომხეთის რესპუბლიკის ყველა დიპლომატიურ და საკონსულო წარმომადგენლობაში გაიხსნა სამძიმრის წიგნები. ამის შესახებ “არმენპრესს” განუცხადა საგარეო საქმეთა სამინისტროს პრესსპიკერმა ვაჰან ჰუნანიანმა.
„2022 წლის 14 აგვისტოს დსს „ერევნის საკონსერვო ფაბრიკის“ ტერიტორიაზე (სურმალუს სავაჭრო ცენტრი) ხანძრისა და აფეთქების შედეგად დაღუპული მოქალაქეების ხსოვნის პატივსაცემად, სომხეთის რესპუბლიკაში გამოცხადებულ გლოვასთან დაკავშირებით, მინისტრ არარატ მირზოიანის დავალებით, სამძიმრის წიგნები გაიხსნება სრ ყველა დიპლომატიურ და საკონსულო წარმომადგენლობაში“, – განაცხადა საგარეო საქმეთა სამინისტროს პრესსპიკერმა.
სრ პრემიერ-მინისტრის ნიკოლ ფაშინიანის გადაწყვეტილებით, 2022 წლის 17-18 აგვისტოს ჩათვლით, გლოვა გამოცხადდა სავაჭრო ცენტრ “სურმალუში” მომხდარი აფეთქების შედეგად დაღუპულთა ხსოვნასთან დაკავშირებით.
სომხეთის რესპუბლიკის კანონის „სომხეთის რესპუბლიკის დროშის შესახებ“ მე-4 მუხლის თანახმად, ოფიციალურად გამოცხადებულ გლოვის დღეებში სომხეთის რესპუბლიკის დროშა ნახევარ ანძამდე ეშვება.
სომხეთის რესპუბლიკის „აუდიოვიზუალური მედიის შესახებ“ კანონის მე-9 მუხლის მე-4 ნაწილის თანახმად, ოფიციალურად გამოცხადებულ გლოვის დღეებში აკრძალულია სარეკლამო და გასართობი გადაცემების გადაცემა მაუწყებლების მიერ.
