საერთაშორისო

წელს საქართველო ექსპორტზე რეკორდული მოცულობის ელექტროენერგიას გაიტანს

როგორც bm.ge წერს, საქართველო ექსპორტზე რეკორდული მოცულობის ელექტროენერგიას გაიტანს. ეკონომიკის სამინისტრო ელის, რომ ექსპორტის მაღალი ტემპი აგვისტოშიც შენარჩუნდება. სამინისტრომ 24 აგვისტოს ელექტროენერგიის საპროგნოზო ბალანსი განაახლა, რომლის მიხედვითაც მხოლოდ აგვისტოში უცხოეთში 160 მლნ კვტ.სთ-ს ელექტროენერგია გაიყიდება. წლიურად კი, ექსპორტზე 897,8 მლნ კვტ გავა, რაც წინა პროგნოზს 15%-ით აღემატება.

ექსპორტი მაისიდან დაიწყო. საქართველოდან ელექტროენერგიის ექსპორტი ძირითადად თურქეთში ხორციელდება. ელექტროენერგიის ექსპორტით საქართველოს შემოსავალი 337%-ით გაიზარდა. 7 თვის მონაცემებით, საექსპორტო ბაზრებზე ელექტროენერგიის რეალიზაციიდან ქვეყანამ 64.78 მლნ დოლარის შემოსავალი მიიღო, 2021 წელს ეს მაჩვენებველი მხოლოდ 14.8 მილიონი იყო. შედეგად, ელექტროენეგია საექსპორტო კალათის ათეულში მე-7 ადგილზეა.

ელექტროენერგიის ექსპორტი:

მაისი – 269,4 მლნ კვტ.სთ
ივნისი 351,2 მლნ კვტ.სთ
ივლისი 114,5 მლნ კვტ.სთ
აგვისტო ( პროგნოზი) – 160,0 მლნ.კვტ.სთ.

ნახეთ მეტი
Back to top button