რუსეთი შორს არის თანამედროვე ომის წარმოების უნარისა და შესაძლებლობებისგან – ექსპერტები
იმისდა მიუხედავად, რომ რუსეთის ომი უკრაინის წინააღმდეგ ჯერ კიდევ არ არის დასრულებული, სამხედრო ოპერაციების მიმდინარეობა ექსპერტებს სერიოზული დასკვნების გაკეთების საშუალებას აძლევს. ამის შესახებ იტყობინება „ამერიკის ხმა“. ვაშინგტონში, ბრუკინგსის ინსტიტუტში ბოლო დისკუსიის დროს, ექსპერტები შეთანხმდნენ, რომ 21-ე საუკუნეში რუსეთი უკრაინაში რეალურად იყენებს წარსულის ეპოქის ტაქტიკას. მათ შორის მაიკლ ო’ჰენლონი ეთანხმება Washington Post-ის სარკასტულ შეფასებას რუსი სამხედროების ქმედებების შესახებ: „ეს არის ინდუსტრიული ხანის ომი“. მსოფლიო დღეს ხედავს გასული საუკუნის შუა პერიოდის ტაქტიკას, ადვილად განადგურებული ტანკების მასობრივი გამოყენებით, ქალაქების წინააღმდეგ საარტილერიო თავდასხმებით.
„პირველი, რაც საყურადღებოა არის განადგურებული რუსული ჯავშანტექნიკის რაოდენობა“, – ამბობს აშშ-ს საზღვაო ქვეითთა კორპუსის გადამდგარი ვიცე-პოლკოვნიკი ემი მაქგრათი, რომელიც ოცი წელი მსახურობდა საზღვაო ქვეითთა კორპუსში, როგორც F-18 პილოტი. ის შეახსენებს, რომ უკრაინის ომის მიმდინარეობისას, სულ რაღაც ნახევარი წლის განმავლობაში უკვე განადგურდა 1500-დან 1900-მდე თანამედროვე რუსული ტანკი, ისევე როგორც სხვა ჯავშანტექნიკიაც, რაც ეჭვქვეშ აყენებს ამ ტიპის იარაღის მომავალს. დღეს შეერთებული შტატების საზღვაო ქვეითთა კორპუსი (USMC) ახორციელებს 10-წლიან ყოვლისმომცველ რეორგანიზაციას. საზღვაო ქვეითთა კორპუსის მეთაურმა, გენერალმა დევიდ ბერგერმა ცოტა ხნის წინ გამოაცხადა ინიციატივა Force Design 2030 -ის შესახებ, რომელიც შეიქმნა ერთიანი, ინტეგრირებული საზღვაო საექსპედიციო ძალების ჩამოყალიბებისთვის. ეს ძალები შორეულ ადგილებში, მტრის ტერიტორიაზე ატარებენ ოპერაციებს. მაიკლ ო’ჰენლონი თვლის, რომ საზღვაო ქვეითები ჩამოიშორებენ საველე არტილერიას, ჯავშანტექნიკას და უფრო მეტად გამოიყენებენ იმ სისტემებს, რომლებსაც დღეს უკრაინული ძალები იყენებენ რუსული ინფრასტრუქტურის წინააღმდეგ. საუბარია მაღალი სიზუსტის სარაკეტო სისტემებზე, თავდამსხმელ დრონებზე. „გიგანტური დესანტური გემების დრო სავარაუდოდ დასრულდა. ჩვენ უნდა შევძლოთ მუშაობა „დისპერსიულ“ გარემოში, ამიტომაც სატანკო ომი სულ უფრო ნაკლებ შთაგვაგონებს“, – აცხადებენ სამხედრო ექსპერტები.
ექსპერტების აზრით, საზღვაო ქვეითთა კორპუსის ახალი კონცეფცია მიდრეკილია ამ ტიპის ჯარები იხილოს ძალად, რომელსაც შეეძლებათ სწრაფად ჩააქრონ უეცარი ხანძარი, თუ ის გაჩნდება. საზღვაო ქვეითთა კორპუსის რეკონსტრუქცია მიზნად უნდა ისახავდეს „მტრის გათვლების“ განეიტრალებას და მათ სწრაფად გამოყვანას თამაშიდან. ამის შესახებ განაცხადა გენერალმა ბერგერმა გაზეთ Washington Post-თან ინტერვიუში. საზღვაო ქვეითები იქნებიან „ზღვისპირა საბრძოლო ნაწილები, რომლებიც „მუდმივად განლაგდებიან და მოძრაობენ“, რაც გაართულებს მათ აღმოჩენას. „მძიმე ჯავშანტექნიკა დაკარგავს თავის მნიშვნელობას ამ ძალებისთვის. “ჩვენ დაგვჭირდება ზუსტი მართვადი იარაღი, სარაკეტო არტილერიის საუკეთესო კომბინაცია, რაკეტები და საჰაერო სისტემები”, – თქვა გენერალმა ბერგერმა. ”დიდი, მძიმე, სწრაფი მანევრირების ძალები ზოგჯერ არახელსაყრელ მდგომარეობაშია შედარებით მცირე, მოქნილ დანაყოფებთან შედარებით. უკრაინის შეიარაღებული ძალები შესანიშნავ საქმეს აკეთებენ მონაცემთა შეგროვების სხვადასხვა მეთოდის გამოყენებით შორ მანძილზე მაღალი სიზუსტით დარტყმისთვის. სამხედრო მეცნიერები ამბობენ, რომ ეს მაგალითის მიმცემია აშშ-სთვისაც. „რუსეთი ცდილობდა გამოეყენებინა უხეში ძალა, გამოიყენა საარტილერიო ძალები ომის დასაწყისში, რათა ნელ-ნელა წინ წასულიყო აღმოსავლეთ უკრაინაში. ეს შეიძლება ჩაითვალოს იმის ნიშნად, რომ ინდუსტრიული ომის ეპოქა ჯერ არ დასრულებულა. ბერგერის აზრით. “რუსეთი ახორციელებს თავდასხმებს მშვიდობიანი მოსახლეობის წინააღმდეგ, ანადგურებს ქალაქებს… მაგრამ არ ძალუძს ზუსტი დარტყმების მიტანა უკრაინის შეიარაღებულ ძალებზე… ასე არ იმართება თანამედროვე ომები”, – აცხადებენ სამხედრო ექსპერტები.
