სომხეთის საგარეო საქმეთა მინისტრის არარატ მირზოიანის კომენტარი 31 აგვისტოს ბრიუსელში გამართული შეხვედრის ზოგიერთ სპეკულაციასთან დაკავშირებით.
აზერბაიჯანის მიერ შემოთავაზებულ ხუთ პუნქტთან დაკავშირებით სომხური მხარის თვალსაზრისი უცვლელია. როგორც უკვე ვთქვით, 2022 წ. 10 მარტს აზერბაიჯანის მიერ გამოქვეყნებულ წინადადებებში ჩვენთვის მიუღებელი არაფერია. სხვა საქმეა, რომ ეს წინადადებები არ ეხება სომხეთ-აზერბაიჯანის ყოვლისმომცველი სამშვიდობო დღის წესრიგის ყველა საკითხს. ეუთოს მინსკის ჯგუფის თანათავმჯდომარე ქვეყნებისადმი ჩვენი პასუხით ჩვენ დავასრულეთ დღის წესრიგი და შესაბამისად, ამის საფუძველზე მზად ვართ სამშვიდობო მოლაპარაკებების გასაგრძელებლად.
ეს კიდევ ერთხელ დაადასტურა პრემიერ-მინისტრმა ფაშინიანმა ბრიუსელში გამართულ ბოლო დისკუსიებზე.
ამ თვალსაზრისის არ მოსმენა ან მისი არ მოსმენის მცდელობა სომხურ მხარეს საფუძველს აძლევს ეჭვი შეიტანოს აზერბაიჯანის მშვიდობის მიღწევის განზრახვის გულწრფელობაში. გარდა ამისა, მოლაპარაკებების მუდმივი თვითნებური, მცდარი ინტერპრეტაციები და შეთანხმებების განხორციელების თავიდან აცილება მიუთითებს იმაზე, რომ აზერბაიჯანი მიდრეკილია სამშვიდობო პროცესის ჩაშლისა და ძალის გამოყენებით ეთნიკური წმენდის პოლიტიკის გაგრძელებაზე.
