კუხო-ს კოლექტიური უშიშროების საბჭომ რიგგარეშე სხდომაზე შესთავაზა შექმნას სამუშაო ჯგუფი, რომელიც შეიმუშავებს წინადადებებს და გააანალიზებს სიტუაციას სომხეთ-აზერბაიჯანის საზღვარზე სიტუაციის ესკალაციასთან დაკავშირებით. ამის შესახებ იტყობინება TASS-ი.
შეხვედრის დროს შემოთავაზებული იქნა ნაბიჯები, რომელთა გადადგმაც შესაძლებელია. მათ შორისაა კუხო-ს გენერალური მდივნის სტანისლავ ზასის ვიზიტი კონფლიქტის ზონაში, რათა მოამზადოს დეტალური ანგარიში სახელმწიფოს მეთაურებისთვის, და სიტუაციის გასაანალიზებლად და რეკომენდაციების გასაკეთებლად კუხო-ს სამდივნოდან და გაერთიანებული შტაბიდან შეიქმნას სამუშაო ჯგუფი.
