სრ-ში აკრედიტებულ დიპლომატებს სასაზღვრო ვითარება გააცნეს. თავდაცვის სამინისტრო
16 სექტემბერს სომხეთში აკრედიტებული დიპლომატიური მისიებისა და საერთაშორისო ორგანიზაციების ხელმძღვანელები აზერბაიჯანის აგრესიით დაზარალებულ რეგიონებს ეწვივნენ.
ქალაქ ჯერმუკში, სრ შეიარაღებული ძალების გენერალური შტაბის უფროსმა, თავდაცვის მინისტრის პირველმა მოადგილემ, გენერალ-მაიორმა ედვარდ ასრიანმა დიპლომატებს გააცნო აზერბაიჯანის მიერ 13 სექტემბერს განხორციელებული ფართომასშტაბიანი აგრესიის შედეგად შექმნილი ვითარება. დაბომბვისა და სარაკეტო სროლის შედეგად ჯერმუკის სამოქალაქო ინფრასტრუქტურაზე მიყენებული ზიანი და ოპერატიული ვითარების შესახებ ინფორმაცია მიაწოდა.
გენერალ-მაიორმა ედვარდ ასრიანმა უპასუხა უცხოელი დიპლომატების კითხვებს და ასევე ისაუბრა აზერბაიჯანელი სამხედროების მიერ საბრძოლო პოზიციებზე დაღუპული სომეხი სამხედროების მიმართ განხორციელებულ წამებაზე, რომელსაც მან საერთაშორისო ჰუმანიტარული სამართლის უხეშ დარღვევად მიიჩნია.
