ირანის მეჯლისის ეროვნული უსაფრთხოებისა და საგარეო პოლიტიკის კომიტეტმა სომხეთ-აზერბაიჯანის სასაზღვრო ვითარების საკითხზე დისკუსია დაიწყო. სხდომაში ასევე მონაწილეობს სომეხი დეპუტატი რობერტ ბეგლარიანი. მან „რადიოლურს“ აცნობა, რომ დაგეგმილი სხდომა ქვეყანაში გუშინ დაწყებული საპროტესტო აქციების მიუხედავად, გაიმართება.
როგორც ირანის პარლამენტის ეროვნული უსაფრთხოებისა და საგარეო პოლიტიკის კომიტეტის თავმჯდომარემ ვაჰიდ ჯალალზადემ განაცხადა, ირანული მხარე სერიოზულად არის შეშფოთებული ორი მეზობელი ქვეყნის საზღვარზე ბოლო დროს განვითარებული მოვლენებით. ჯალალზადემ მიიწვია ეროვნული უსაფრთხოებისა და საგარეო პოლიტიკის კომიტეტი სასაზღვრო სიტუაციის განსახილველად. ირანელმა ოფიციალურმა პირმა დისკუსია მნიშვნელოვანი მიიჩნია და ირანის ეროვნული უშიშროების უმაღლეს საბჭოს და საგარეო საქმეთა სამინისტროს სთხოვა, საკითხს მთელი სერიოზულობით მიუდგეს. სესიის დაწყებამდე ირანის ეროვნული უშიშროების უმაღლესი საბჭოს მიერ ერთი თვის წინ მიღებული გადაწყვეტილება განიხილება და, ყველაფერთან ერთად, დამტკიცდება.
ირანის ეროვნული უშიშროების საბჭომ მოიწვია სხდომა და გადაწყვიტა, რომ თუ მესამე მხარე მოვა და ჩაერევა ირანის მეზობლებისა და რეგიონის გეოპოლიტიკური საზღვრების დარღვევაში, მაშინ ირანს აქვს ჩარევის უფლება. ამ გადაწყვეტილების დასამტკიცებლად დღეს მეჯლისის საგარეო ურთიერთობათა და ეროვნული უშიშროების კომიტეტის სხდომა პარლამენტის მეშვეობით არის მოწვეული. ეს გულისხმობს, რომ თუ ირანის უსაფრთხოება შეირყევა, ირანს ექნება სამართლებრივი ზომების მიღების უფლება.
მანამდე ირანოლოგმა ემა ბეგიჯანიანმა სხდომის მოწვევის გადაწყვეტილებაზე საუბრისას განაცხადა, რომ პარლამენტი სავარაუდოდ საკანონმდებლო დონეზე ირანის სულიერი ლიდერისა და პრეზიდენტის განცხადებებს დაამტკიცებს. „რადგან პარლამენტის უმრავლესობა მხარს უჭერს როგორც ლიდერის, ასევე პრეზიდენტის მოსაზრებებს, ეს მოსაზრებები დამტკიცებული იქნება დოკუმენტურად. სესიის შემდეგ აუცილებლად იქნება გადაწყვეტილება, იქნება ეს კანონპროექტი თუ განცხადება, გაურკვეველია, მაგრამ ყოველ შემთხვევაში, იქნება პარლამენტის მიერ დამტკიცებული“.
