ამიერიდან ყოველ სამშაბათს, პარასკევს და კვირას შეგიძლიათ თბილისში თვითმფრინავითაც იმოგზაუროთ. რამდენიმე საათით მგზავრობის ნაცვლად, საქართველოს დედაქალაქს სულ რაღაც 35 წუთში მიაღწევთ, ერთი მიმართულებით 25 ათასი დრამის (დაახლოებით 60 აშშ დოლარი) დახარჯვით. საჰაერო გადაზიდვებს პირველი სომხური ეროვნული ავიაკომპანია „ფლაი არნა“ Fly Arna ახორციელებს. აღსანიშნავია, რომ ეს კომპანია, რომელიც ითვლება ეროვნულ ავიაგადამზიდად, არის სომხეთის სახელმწიფო ინტერესების ფონდის (ANIF) და Air Arabia ჯგუფის ერთობლივი საწარმო. კომპანიის აქციების 51 პროცენტი სომხურ მხარეს ეკუთვნის, დანარჩენი 49 პროცენტი Air Arabia-ს. საინვესტიციო ფონდი 20 მილიონი დოლარია. თბილისის მიმართულებით პირველ რეისში მონაწილეობა ჟურნალისტებმაც მიიღეს.
განვავითაროთ შემომავალი ტურიზმი, სომხეთი გავხადოთ სატრანზიტო პუნქტი, განსაკუთრებით რუსებისა და უკრაინელებისთვის, რომლებიც ჩვენი ქვეყნიდან სხვა ქვეყნებში მიემგზავრებიან რუსეთ-უკრაინის ომის გამო. კვირაში სამი დღე უკვე შესაძლებელია თბილისში მოხვედრა არა რამდენიმე საათში, არამედ 35 წუთში. ამ შემთხვევაში ყველაფერი სომხურია: თვითმფრინავზე დროშა, ეკიპაჟის მისალმება სომხურია. გადამზიდავი არის პირველი ეროვნული ავიაკომპანია “ფლაი არნა”.
ენტონი პრაისი, სომხური ნაციონალური ავიახაზების “ფლაი არენას” აღმასრულებელი დირექტორი:
„მოხარულები ვართ, რომ ვიწყებთ ჩვენს პირველ პირდაპირ რეისს ერევანი-თბილისის მიმართულებით. ჩვენ გვჯერა, რომ ჩვენი ავიაკომპანია თავის მგზავრებს სთავაზობს საუკეთესო დღეებსა და დროებს ამ მიმართულებით მოგზაურობისთვის. რეისები ხორციელდება ყოველ სამშაბათს, პარასკევს და კვირას, რაც საშუალებას მისცემს ადამიანებს ერევანიდან პარასკევს საღამოს გაემგზავრნონ, შაბათ-კვირა გაატარონ თბილისში და კვირა საღამოს უკან დაბრუნდნენ.
მოსკოვიდან ერევანში ჩასულ მგზავრებს ასევე შეუძლიათ ერევანიდან თბილისში გამგზავრება. მოსკოვი-ერევანი და ერევანი-თბილისის ფრენების განრიგი საშუალებას აძლევს მოსკოვიდან ჩამოსულ მგზავრებს ერევანიდან პირდაპირ თბილისში გაემგზავრნონ. უახლოეს კვირებში ავიაკომპანია ასევე გამოაცხადებს კიდევ ერთ ახალ მარშრუტს, ერევან – ბეირუთს, რომლის განრიგიც ამჟამად დადასტურებას ელოდება.
„მოხარული ვარ გითხრათ, რომ ამ წლის ბოლომდე რამდენიმე ახალ მიმართულებას გამოვაცხადებთ. Fly Arna-სთვის ახლა მართლაც მნიშვნელოვანი პერიოდია, რადგან ფართომასშტაბიანი სამუშაოები მიმდინარეობს ფრენების გეოგრაფიის გაფართოებაზე.
ავიაკომპანია თანამშრომლობს 500-მდე ტურისტულ სააგენტოსთან, ასევე სომხეთისა და საქართველოს ტურიზმის კომიტეტებთან ორივე მხრიდან მოგზაურობის შესახებ ცნობიერების ამაღლებისა და საინტერესო ტურისტული პაკეტების შესაქმნელად. სომხეთში ცოტა ხნის წინ გაიხსნა ტურისტული სააგენტო Cozmo Travel, რომელიც ნაწილობრივ ეკუთვნის Fly Arna-ს.
ექსპერტები დარწმუნებულები არიან, რომ ეროვნული ავიაკომპანიის წვლილით სომხეთის საავიაციო სექტორის განვითარების ახალი ეპოქის დასაწყისი დაიდო.
სომხეთის პრემიერ-მინისტრი ხაზს უსვამს მნიშვნელოვან ცვლილებებს ავიაციის სფეროში.
„სიამოვნებით მსურს აღვნიშნო, რომ ჩვენ ვაფიქსირებთ სომხური თვითმფრინავების ყოფნას ჩვენს აეროპორტში როგორც გაფრენისას, ასევე დაბრუნებისას და ვხედავთ, რომ რიცხვი იზრდება. რა როლი ითამაშა აქ მთავრობამ? ვინაიდან ჩვენ ასევე გამოვაცხადეთ ჩვენი განზრახვა შევქმნათ ავიაკომპანია ერთობლივი ინვესტიციით კერძო ინვესტორთან, ამან ასევე გამოიწვია კერძო სექტორის მიმართ ინტერესი და განხორციელდა კერძო ინვესტიციებიც“.
“Fly Arna” არის ეროვნული ავიაკომპანია, სომხეთის სახელმწიფო ინტერესთა ფონდის (ANIF) და Air Arabia ჯგუფის ერთობლივი საწარმო. აქციების 51 პროცენტი სომხურ მხარეს ეკუთვნის, დანარჩენი 49 პროცენტი კი კომპანია „ეარ არაბიას“ ეკუთვნის. საინვესტიციო ფონდი 20 მილიონი დოლარია.
სხვათა შორის, თბილისის მიმართულებით პირველ რეისში მონაწილეობა ჟურნალისტებმაც მიიღეს. მოგზაურობის დროს მათ საშუალება მიეცათ ეწვიონ თბილისისა და მცხეთის ღირსშესანიშნაობებს, მონაწილეობა მიიღონ ეროვნული კერძების მომზადების მასტერკლასში და ღვინის დეგუსტაციაში.
ჰასმიკ დილანიანი
