მთავარიპოლიტიკა

აზერბაიჯანი ირანისგან მოწყვეტილი ნაწილია: ირანელი სასულიერო პირები აფრთხილებენ ალიევს

ირანული მედიის ცნობით, ასტარას პარასკევის ლოცვის წინამძღვარმა, მოჰამედ ჯავად ბაგერიმ, ილჰამ ალიევის ანტიირანულ განცხადებებზე ისაუბრა.

„თურქეთის ნეო-ოსმალეთის ილუზიის ერთ-ერთი მოთამაშე ჩვენი მეზობელი ქვეყანაა აზერბაიჯანი და მისი პატივცემული პრეზიდენტი ილჰამ ალიევი. აზერბაიჯანი ირანისგან მოწყვეტილი ნაწილია. აზერბაიჯანის კულტურა, ისტორია და ცივილიზაცია იგივეა, რაც ჩვენი, ფაქტობრივად, ეს ჩვენი შვილია და შვილზე არავინ წუხს ისე, როგორც მამა, და როცა შვილი შეცდომას უშვებს, ის თავს იკავებს, ვითომ არ ამჩნევს. აზერბაიჯანმა ბოლო კვირებში რაღაც საოცარი გააკეთა. მაინტერესებს რისი იმედი აქვთ.

ამ პირობებში შეერთებულმა შტატებმა და ევროპამ ზურგი აქციეს აზერბაიჯანს, საფრანგეთი აზერბაიჯანის წინააღმდეგ რეზოლუციებს იღებს, თურქეთმა კი დატოვა და ქურთებს ებრძვის. თუ ისინი (აზერბაიჯანი) იმედებს ამყარებენ სიონისტებზე, დიდ შეცდომას უშვებენ. ეს ქვეყნები არასოდეს დაუჭერენ მხარს აზერბაიჯანს, ისინი მხოლოდ საკუთარ ინტერესებზე ფიქრობენ.

აზერბაიჯანი ირანის გამოყოფილი შვილია და თუ ბატონ ალიევს სურს ამ მდგომარეობიდან გამოსვლა, მეგობრული ხელი უნდა გაუწოდოს ირანს, თორემ სხვას თუ დაეყრდნობა, კატასტროფაში ჩავარდება“.

ბილესუვარის პარასკევის ლოცვის ხელმძღვანელმა ჯაბარ აზიზმა თავის მხრივ თქვა:

„ჩვენ აქამდე ჩუმად ვიყავით, მაგრამ ახლა ვაფრთხილებთ ბატონ ალიევს, რომ მას სხვა ქვეყნებთან ერთად არ დავუშვებთ ჩვენი საზღვრების თუნდაც სანტიმეტრის შეცვლას.

ქალაქ ნირის პარასკევის ლოცვის წინამძღვარმა კომენტარი გააკეთა თურქეთის პანთურქისტურ გეგმებზე:

„კავკასია ისლამის ნაწილია. თურქეთის მთავრობას სურს ოსმალეთის სახელმწიფოს შექმნა, მაგრამ გააგებინეთ, რომ ამპარტავანზე დაყრდნობით საბოლოოდ წააგებს“.

ნახეთ მეტი
Back to top button