სომხეთში შეიქმნება საგარეო დაზვერვის სამსახური, რომელიც პრემიერ-მინისტრის დაქვემდებარებაში იმუშავებს. სრ მთავრობამ განიხილა „საგარეო სადაზვერვო საქმიანობისა და საგარეო დაზვერვის სამსახურის შესახებ“ კანონისა და მასთან დაკავშირებული კანონპროექტების პაკეტი.
https://www.radar.am/hy/news/politics-2540926632/?
იუსტიციის მინისტრის მოადგილემ გრიგორ მინასიანმა აღნიშნა, რომ თავდაცვის სამინისტროშიც და ეროვნული უსაფრთხოების სამსახურშიც არის მსგავსი ფუნქციების შემსრულებელი დანაყოფები, რომლებიც სამხედრო სამსახურის სახეობას წარმოადგენს. თუმცა ახლა შეიქმნება ახალი ტიპის სახელმწიფო სამსახური, რომელიც არ იქნება სამხედრო სამსახური. „იქნება შესაძლებლობა, რომ ახლადშექმნილი ორგანო შეივსოს სხვა დეპარტამენტებში მომუშავე საჯარო მოხელეებით, რომლებიც თავიანთი გამოცდილებით, ცოდნით და პროფესიონალიზმით ხელს შეუწყობენ საგარეო დაზვერვის სამსახურის ჩამოყალიბებას.
სრ პრემიერ-მინისტრმა ნიკოლ ფაშინიანმა ასევე აღნიშნა, რომ საგარეო დაზვერვის მეთოდები მნიშვნელოვან ცვლილებებს განიცდის და მნიშვნელოვანია, რომ სომხეთმა შეძლოს თავისი შესაძლებლობების განვითარება არსებული პირობების შესაბამისად. „მსოფლიოში სადაზვერვო მეთოდები და ფორმულირებები ისე ვითარდება, რომ მათ ყოველთვის არ აქვთ პირდაპირი კავშირი სამხედრო ხასიათის სამსახურთან, ამიტომ ამ მხრივ მივიღეთ გადაწყვეტილება, შევქმნათ საგარეო დაზვერვის სამსახური, როგორც პრემიერ-მინისტრის დაქვემდებარებაში მყოფი ორგანო“.
