არ ყოფილა ოფიციალური წინადადება სომხეთის  საკავშირო   სახელმწიფოს შემადგენლობაში შესვლის შესახებ, მაგრამ რეალობა არც ისე მარტივია –  პრემიერ მინისტრი

არ ყოფილა ოფიციალური წინადადება, რომ სომხეთი საკავშირო სახელმწიფოს ნაწილი გამხდარიყო, მაგრამ რეალობა არც ისე მარტივია, როგორც ჩანს. ამის შესახებ პრესკონფერენციაზე სომხეთის  პრემიერ-მინისტრმა ნიკოლ ფაშინიანმა ჟურნალისტის შეკითხვას უპასუხა, ჰქონდა თუ არა სომხეთს რუსეთთან საკავშირო სახელმწიფოს შექმნის წინადადება, თუ ასეთი წინადადება გაკეთდა, რა შინაარსის იყო და  როგორია პრემიერ-მინისტრის პოზიცია ამ საკითხთან დაკავშირებით,  მით უმეტეს, რომ უშიშროების საბჭოს მდივანმა არმენ გრიგორიანმა განაცხადა, რომ ზეწოლას ახდენენ სომხეთზე საკავშირო სახელმწიფოში გაწევრიანებაზე? https://armenpress.am/arm/news/1101329.html

„თუ ოფიციალურ წინადადებას გულისხმობთ, მაშინ ოფიციალური წინადადება არ ყოფილა და არც შეიძლებოდა ყოფილიყო. მაგრამ, სამწუხაროდ, რეალობა არც ისე მარტივია, როგორც ჩანს. ზოგჯერ საჭიროა ღრმად იქნას განხილული  არა იმდენად კითხვების ტექსტი, რამდენადაც კონტექსტი. ჩვენ უნდა განვიხილოთ გლობალური პროცესები. სხვა რამის თქმა შემიძლია, რომ ჩვენთვის, ზოგადად, სომხეთის რესპუბლიკის სუვერენიტეტი, დამოუკიდებლობა, სახელმწიფოებრიობა აბსოლუტური ღირებულებებია.

და როგორც მე ვთქვი სხვა კითხვაზე პასუხის გაცემის დროს, ჩვენს მოვალეობად და მისიად მიგვაჩნია ყველაფერი გავაკეთოთ სახელმწიფოს, სამშობლოს და სახელმწიფოებრიობის უწყვეტობის უზრუნველსაყოფად“, – განაცხადა პრემიერმა.

დამაზუსტებელ კითხვაზე, იყო თუ არა მსგავსი წინადადებები არაოფიციალური არხებით, ფაშინიანმა უპასუხა:

„გააჩნია რას გულისხმობთ არაოფიციალურ არხში. მაგალითად, ექსპერტების მიერ ამ საკითხის მუდმივი გაშუქება შეიძლება ჩაითვალოს არაფორმალურად, ასევე შეიძლება ჩაითვალოს არაფორმალური კონტაქტებიც.

კითხვაზე, გულისხმობდა,  თუ არა არმენ გრიგორიანი ზუსტად მათ, როცა ზეწოლაზე საუბრობდა, პრემიერმა უპასუხა, რომ ვარაუდობს, რომ მათაც გულისხმობდა.