ჯარისკაცები ფსევდოაქტივისტების ნაცვლად. Le Figaro-ს დირექტორის მოადგილის მითითება
ლაჩინის დერეფნის ბლოკირება პირველი საომარი აქტია არცახი სომხების წინააღმდეგ, – წერს პრესტიჟული ფრანგული ჟურნალის “Le Figaro”-ს დირექტორის მოადგილე ჟან-კრისტოფ ბუსონი Twitter-ის საკუთარ გვერდზე.
„აზერბაიჯანელი ფსევდოაქტივისტი გარემოსდამცველები ბაქოში -10°C ტემპერატურის პირობებში გასათბობად წავიდნენ. მათ ადგილას ჯარისკაცები არიან. ნიღბები ჩამოუვარდათ. ლაჩინის დერეფნის გადაკეტვა (28 დღით) მართლაც პირველი საომარი აქტია არცახის სომხების წინააღმდეგ“, – წერს ბუსონი და აქვეყნებს ფოტოებს.
კრისტოფ ბუსონმა სხვა პოსტში საერთაშორისო საზოგადოების სიჩუმეზე გაამახვილა ყურადღება.
„30 დღე, 1 თვე 120 000 სომეხი გამოკეტილია საკუთარ ქვეყანაში აზერბაიჯანის მიერ. არცახში -10°-ია, საკვების მაღაზიები ცარიელია, ოჯახები დაშორებულია, ჰუმანიტარული კატასტროფა ხდება, მაგრამ რას აკეთებენ ამ სამყაროს უფროსები? არაფერს, არაფერს, არაფერს”, – წერს ბუსონი.
ლაჩინის დერეფანი, რომელიც აკავშირებს არცახს სომხეთთან და მთელ მსოფლიოსთან, 12 დეკემბრიდან დაკეტილია აზერბაიჯანელების ჯგუფის მიერ, რომლებიც თავს „გარემოს დაცვის აქტივისტებად“ წარმოადგენენ. აზერბაიჯანმა უგულებელყო მსოფლიოს სხვადასხვა ქვეყნებისა და ორგანიზაციების მოწოდებები დერეფნის გახსნის შესახებ.
