ამერიკელი კონგრესმენები ბაიდენს აზერბაიჯანისთვის სამხედრო მხარდაჭერის შეწყვეტისკენ მოუწოდებენ
ამერიკელმა კონგრესმენმა ფრენკ ფალონმა, სომხეთის საკითხთა კომიტეტის წევრებმა დევიდ ვალადაომ, გას ბილირაკისმა, ადამ შიფმა და ბრედ შერმანმა წარადგინეს რეზოლუცია, რომელიც გმობს აზერბაიჯანის მიერ მთიანი ყარაბაღის სომხების ბლოკადას და ადამიანის უფლებების მუდმივ დარღვევას და მოუწოდებენ აშშ-ს პრეზიდენტს ჯო ბაიდენს, დაუყოვნებლივ შეწყვიტოს ამერიკის სამხედრო და უსაფრთხოების დახმარება აზერბაიჯანისთვის და სრულად განახორციელოს თავისუფლების მხარდაჭერის აქტის 907 ნაწილი და აშშ-ის ჰუმანიტარული დახმარება გაუწიოს მთიან ყარაბაღში სომეხ დაზარალებულებს, იუწყება ამერიკის სომხური კონგრესი.
ორპარტიულ რეზოლუციაში ნათქვამია, რომ აზერბაიჯანის ძალები არღვევენ საერთაშორისო ვალდებულებებს სომხეთთან და არცახთან დავების მშვიდობიანად გადაწყვეტის თაობაზე 2020 წელს მათ მიერ გაჩაღებული ომის შემდეგ. რეზოლუციაში ნათქვამია, რომ აზერბაიჯანის პრეზიდენტმა ალიევმა გამოიყენა რიტორიკა მთიანი ყარაბაღის ძირძველი სომხების ეთნიკური წმენდის მოწოდებით და მისი რეჟიმი მუდმივად არღვევს საერთაშორისო ჰუმანიტარული სამართლის მნიშვნელოვან შეთანხმებებს 2020 წლის ომის დროს და დღემდეც.
