ისრაელის სამძებრო-სამაშველო ჯგუფი თურქეთს “უსაფრთხოების მნიშვნელოვანი მუქარის” გამო ტოვებს

ისრაელის სამძებრო-სამაშველო ჯგუფი United Hatzalah ტოვებს თურქეთს ადგილზე  ექვსი დღის ყოფნის შემდეგ, დაჯგუფების წინააღმდეგ „უსაფრთხოების მნიშვნელოვანი მუქარის“ გამო, იტყობინება CNN ჯგუფის განცხადებაზე დაყრდნობით.

United Hatzalah-ის აღმასრულებელმა დირექტორმა ელი პოლაკმა და დოვ მაისელმა, ოპერატიული ხაზით ვიცე-პრეზიდენტმა განაცხადეს, რომ მათ „მიიღეს სადაზვერვო ინფორმაცია ისრაელის დელეგაციისთვის აშკარა და დაუყოვნებელი საფრთხის შესახებ და ჩვენ პირველ რიგში უნდა დავაყენოთ ჩვენი პერსონალის უსაფრთხოება“.

ჩვენ ვიცოდით, რომ გარკვეული დონის რისკი იყო ჩვენი გუნდის გაგზავნაში თურქეთის ამ რაიონში, რომელიც სირიის საზღვართან ახლოსაა, მაგრამ ჩვენ გადავდგით აუცილებელი ზომები საფრთხის შესარბილებლად სიცოცხლის გადასარჩენად ჩვენი მისიის გულისთვის“,- თქვა მეისელმა.

გადაწყვეტილება მიიღეს “ისრაელის თავდაცვის ძალების, შიდა ფრონტის სარდლობისა და სამძებრო-სამაშველო ქვედანაყოფების ლიდერებთან ერთობლივი შეფასების შემდეგ, რომელიც ჩატარდა შაბათს საღამოს”, – განაცხადეს მათ.

ჯგუფის გამგზავრების სიჩქარისა და “უფასო თვითმფრინავების არარსებობის” გამო, მირიამ ადელსონმა, გარდაცვლილი ამერიკელი რესპუბლიკელი შელდონ ადელსონის ქვრივმა, საჩუქრად გადასცა თავისი პირადი თვითმფრინავი, გუნდის დასაბრუნებლად ისრაელში კვირას.

ისრაელის მეორე დამხმარე ჯგუფი IsraAID აგრძელებს მუშაობას თურქეთში.

შეგახსენებთ, რომ მანამდე ავსტრიისა და გერმანიის სამაშველო ჯგუფებმა თურქეთში დროებით შეაჩერეს მუშაობა, გამოაცხადეს რა “უსაფრთხოების რისკების” და “უცნობ ჯგუფებს” შორის შეტაკებების შესახებ.