სომხეთში ევროკავშირის მისიის შტაბ-ბინა ოფიციალურად გაიხსნა ეღეგნაძორში 

სომხეთში დღეს ევროკავშირის სამოქალაქო მისია მუშაობას იწყებს. ოფიციალური შტაბ-ბინა დღეს ეღეგნაძორში გაიხსნა, იუწყება ნიდერლანდების ელჩი სომხეთში ნიკო შერმერსი Twitter-ზე.  „ევროკავშირის მისია ოფიციალურად დაამტკიცა საგარეო საქმეთა მინისტრებმა ბრიუსელში. დღეს მისი შტაბ-ბინა ოფიციალურად გაიხსნა ეღეგნაძორში. მე ვამაყობ ჩემი წვლილით“, – წერს ელჩი. დავამატოთ, რომ ევროკავშირის მისიის სამოქალაქო პერსონალი 100 ადამიანისგან შედგება, მათ შორისაა 50-მდე უიარაღო დამკვირვებელი. EEAS Civil Planning and Conduct Capability (CPCC) აღმასრულებელი დირექტორი სტეფანო ტომატი იქნება სამოქალაქო ოპერაციების მეთაური, მარკუს რიტერი კი მისიის ხელმძღვანელი.