სომხეთის მთავრობა სთავაზობს პასუხისმგებლობის დაწესებას სუვერენიტეტზე უარის თქმის მოწოდებებზე. ამის შესახებ დღეს, 21 თებერვალს, პარლამენტის სახელმწიფო-სამართლებრივ საკითხთა მუდმივმოქმედი კომიტეტის სხდომაზე სისხლის სამართლის კოდექსში ცვლილებების შესახებ კანონპროექტის განხილვისას განაცხადა იუსტიციის მინისტრის მოადგილემ ლევონ ბალიანმა. https://news.am/arm/news/746056.html? ამრიგად, ქმედებები, რომლებიც მიმართულია სომხეთის რესპუბლიკის სუვერენიტეტის სრულ ან ნაწილობრივ შეზღუდვაზე ძალადობის ან მისი გამოყენების მუქარის გზით, ისევე როგორც საჯარო მოწოდებები სუვერენიტეტზე უარის თქმის შესახებ, ჩაითვლება სისხლისსამართლებრივ დასჯად. „მოქმედი კანონმდებლობით მსგავს ქმედებებზე სისხლისსამართლებრივი პასუხისმგებლობა არ არის გათვალისწინებული. ცვლილების მიღების შედეგად, სომხეთის რესპუბლიკის სუვერენიტეტის სრულად ან ნაწილობრივ შეზღუდვისკენ მიმართული ქმედებებისთვის გათვალისწინებულია 10-15 წლამდე თავისუფლების აღკვეთა“, – განაცხადა მინისტრის მოადგილემ.
სუვერენიტეტზე უარის თქმის მოწოდებისთვის გათვალისწინებულია სხვადასხვა სახის სასჯელი: ჯარიმა ან მოკლევადიანი თავისუფლების აღკვეთა ორთვიანი ვადით, თავისუფლების აღკვეთა სამ წლამდე ვადით. „და საჯაროდ გამოფენილი ნაწარმოებების, ასევე მედიისა და საინფორმაციო ტექნოლოგიების მსგავსი მიმართვების გამოყენების შემთხვევაში, დამრღვევებს ემუქრებათ 2-5 წლით თავისუფლების აღკვეთა“, – დააზუსტა ბალიანმა.
საკმაოდ ხანგრძლივი და ცხარე დისკუსიების შემდეგ საკანონმდებლო ინიციატივამ პარლამენტის მუდმივმოქმედი კომიტეტის დადებითი დასკვნა მიიღო.
